North Vanlaiphai khua inbuatsaih chho mek zel

Kumin October thla a YMA General Conference thleng turin North Vanlaiphai khua chu a inbuatsaih mek a, nimin khan Pandal sakna tur hmun samfai hnatlang neiin khawtlang huap hnatlang hmasa ber neih a ni.

YMA General Conference vawi 72-na hi North Vanlaiphai Joint YMA chuan a thleng dawn a, he Conference neihna tur atan hian North Vanlaiphai Playground-ah Pandal sak tura ruahman niin nimin khan Conference Organising Committee chuan Playground samfai hnatlang hi an ko a, Playground chhunga tui tling te pawh thenfai niin he hnatlang ah hian mi 100 chuang zet an thawkchhuak a ni. North Vanlaiphai khua hian YMA General Conference atan hian kawng hrang hrangah hma lain khawchhung cheimawi leh faina lam bakah khawchhung inkalpawhna kawng thawm\hat hna te thawh a ni a, sawrkar pawhin hma la mekin Organising Committee in sum leh pai an mamawh tur ang an ruahman pawh a \ul anga ngaihtuah sakin hmachhawp engemaw zat an la siam mek bawk a ni. Central YMA chuan Conference neih chhunga Palai ten inbiakpawhna leh Internet lama harsatna an tawh loh nan Mobile Phone Network Distributor te chu service \ha tak pe turin an ngen tawh a, Distributor lam pawhin hma an la chho mek bawk a ni.