Midangte tana Mit pek pawimawh zia inzirtir a ni

Serchhip District-ah mi 6 in Mit an pe tawh

http://lenkawl.khampat.com/

Rampuma 34th National Fortnight on Eye Donation hman mek denchhenin nimin khan Serchhip DIET-ah midangte tana Mit pek pawimawh zia inzirtirna neiin thih hnua midangte tana Mit pe tura intiamna thu chhamrual a ni a. Serchhip District-ah midangte tana thih hnua Mit pe mi 6 an awm tawh a ni.
National Programme for Control of Blindness & Visual Impairment, Serchhip District buatsaiha nimin-a Serchhip DIET Multipurpose Hall a hun hman hi KC. Lalbiaknia, Data Entry Operator chuan kaihruaiin he Fortnight an hman chhan leh Serchhip District-a hun an hman dan te sawiin, he Fortnight hi August 25 a\anga September 8 thlenga hman tur a nih thu leh nimin a hun hman bakah hian karleh Nilaini khian he Fortnight kharna hi hman leh tum a nih thu a sawi.
Hemi hnu hian Serchhip District Hospital-a Opthalmic Assistant, Zosangpuii hnen a\angin Mit enkawl \hat a pawimawh zia leh Mit \hatloh dan hrang hrang bakah midangte tana Mit pe turte tana hriat tur pawimawh hrang hrang ngaihthlak a ni a. He huna tarlan a nih danin midangte tana Mit pe tur hian kum bithliah awm lovin Mit lama harsatna nei tan pawh Mit darthlalang a chhiat loh chuan pek theih a nih thu te, Zunthlum leh Thisen sang nei tan pawh pek theih a nih thu te, midangte tana thih hnua Mit pe duh tan inziahluh theih a nih thu leh hriatpuitu erawh an awm a ngaih thu te tarlan niin, Mit pe duha inziaklut chu a lo boral a nih chuan helam buaipuitute hriattir an nih hnuah awlsam takin minute 10 a\anga 15 chhung velin Mit darthlalang hi lak theih a nih thu tarlan a ni a. Thih hnua Mit pek hian Mit mu zawng zawng lachhuak lovin Mit darthlalang chauh lakchhuah a nih avangin mihring hmel a tih danglam loh thu leh mitthi chhungte tan pawh hmuh nuamlo engmah a awm zui loh thu te tarlan niin, Mit darthlalang hi an lak a\anga darkar 6 a\anga 8 chhungin Eye Bank thlenpui a \ul thu leh Mizoram-ah Eye Bank hi Aizawl-ah chauh a awm thu te pawh he hunah hian tarlan a ni bawk.
Hetianga midangte tana thih hnua Mit pek, Eye Bank-a dah te hi hralh leh lei a rem lo a, amaherawh chu Mit dawng turte chuan Processing Fee tlem erawh an chawi ve a ngaih thu pawh he hunah hian tarlan niin, mi pakhat Mit a\ang hian mi pahnih te pawhin khaw eng an lo hmuh phah theih avangin thih hnuah pawh midangte tana malsawmna ni tura Mit pek hi thil pawimawh tak a nih thu tarlan a ni bawk.
Nimin a he hun hmanna ah hian DIET Serchhip-a zirlaite leh Lecturer te telin thih hnua midangte tana Mit pe tura intiamna thutiam chu chhamrual a ni a, Serchhip-ah hian nikum thleng khan midangte tana Mit pe tura inziaklut hi mi 150 vel awm tawhin midangte tana thih hnua Mit pe mi pathum te hnenah Donor Certificate chu hlan a lo ni tawh a, karleh-a he Fortnight kharna hunah midang pathum te hnenah Donor Certificate hi hlan leh a ni bawk ang.

Comments

Popular posts from this blog

PAN CARD an tih teh fo hi - Laldinpuia