District thar huamchin tur tihfel a ni ta


Serchhip District-ah khaw 2 dah belh a ni dawn



Mizoram sawrkar chuan Mizoram-a District thar pathum (3) te ramri tur chu a tifel ta a, hemi rual hian Lunglei District chhunga awm \hin Zote South leh Kanghmun South te pawh Serchhip District chhunga awm tawh tura tih niin Serchhip District hi a hma aiin a zau hret dawn a ni.

Nimin khan Chief Minister, Zoramthanga kaihhruaiin Council of Ministers’ \hutkhawm chu CM’s Cabinet Room-ah neih niin hetah hian Mizoram District thar te ramri tur hi tihfel a ni a. Hemi ang hian Saitual District chhungah khaw 37 awm tura tih niin Khawzawl District-ah khaw 28 a awm anga, Hnahthial District-ah khaw 26 a awm dawn bawk a ni. Saitual District chhungah hian Saitual Town, Saitual, Keifang, Rulchawm leh Ruallung bakah Maite, Mualpheng, Lenchim, |awizo, Sihfa, Dilkhan, Tualbung, N. Lungpher, buhban, Thanglailung, Phullen, Luangpawn, Phuaibuang, Khawlian, NE. Tlangnuam, Daido, Zawngin, Suangpuilawn, Lamherh, Vanbawng, North Khawlek, Ngopa, Chiahpui, Khawkawn, NE Khawdungsei, Lamzawl, Pawlrang, Hliappui, Changzawl, Saichal, Mimbung, Hrianghmun, Teikhang, Kawlbem, Lailak leh Khanpui te a awm ang.
Khawzawl District huamchhungah Khawzawl bakah Aiduzawl, Rabung, Pamchung, Khualen, Tualpui, Ngaizawl, Neihdawn, Kawlkulh, Vankal, Puilo, Chhawrtui, Vanchengpui, Dulte, Riangtlei, Vangtlang, Tlangmawi, Tlangpui, Biate, Sialhawk, Khawhai, Lungtan, Chalrang, New Chalrang, Chawngtlai, Tualte, Arro leh Hmuncheng te an awm bawk ang.
Hnahthial District-ah Hnahthial bakah Rawpui, Pangzawl, Thiltlang, South Chawngtui, Tarpho, Khawhri, Cherhlun, Old Ngharchhip, New Ngharchhip, Thingsai, Bualpui 'H', South Lungleng, Denlung (Sub-Village), Leite, Maudarh (Sub-Village), Rotlang East, Tuipui 'D', Darzo, Mual-lianpui, Lungpuitlang, South Vanlaiphai, Chhipphir, Bualpui 'V', Lungmawi leh Phaileng South te an awm bawk ang.
Nimin a Council of Minister \hutkhawm ah hian thu ngaihtuah tur pakua (9) chhawpchhuah niin Mizoram Health Service member te tana Pension kum tihsan chungchang leh hmanlai Mizo thil hlu neih leh humhalhna chunchang te pawh an ngaihtuah zingah hian a tel a ni.

Comments

Popular posts from this blog

PAN CARD an tih teh fo hi - Laldinpuia