Award dawn lawmna nei

Women & Child Development Department in Poshan Abhiyan (National Nutrition Mission) Award 2018-2019 ah 'Overall Excellence in Implementation' leh 'ICDS-CAS Implementation' a dawn chu nimin khan Women & Child Development Minister, Dr. K. Beichhua pisa-ah a lawmna hun hman a ni.lenkawl.khampat.com

Nimin heng Award dawn lawmna hunah hian Department Official ten Award dawng thei tura an hmalakna te leh Award la tura an zuk kalna report te pein, hmarchhak State zingah Poshan Abhiyan Award dawng awm-chhun an ni chu lawmawm a tih thu a sawi a ni.

Hemi hnu hian Dr. Beichhua chuan thu-chah sawiin, Award an dawn theih chhan chu Department-a a te ber a\anga a lian ber thlenga thawhhona \ha a awm vang a nih thu sawiin, an thlen chin a\anga hmasawn zel tum turin a fuih bawk a. Tuna chawimawina chu Department tan chona thar neih tirtu ni se, Pathian ring chunga an thawh zel chuan hei aia ropui zawk pawh hi a la dawn theih thu a sawi bawk.

He hunah hian Women & Child Development Department Director, Vanlalpianpuii chuan Award dawn theihna atana \ha taka an Department thawhpuitu Health Department leh Rural Department te chungah lawmthu a sawi bakah anmahni thawhpuina avanga heng Award hi dawng thei an ni tih a sawi bawk.

Tarlan tawh angin Women & Child Development Department Secretary, Director leh Department Official te chuan August 23, 2019 khan Union Minister for Women & Child Development, Smriti Zubin Irani hnen a\angin heng Award pahnih hi an zuk dawng a. Heng bakah hian Field Level Leadership Awards-ah Champhai District in 'Best District Award' an dawng a, Thing-dawl ICDS Project in 'Best Block Award' an dawng bawk a. Mimal lawmman dawng pawh an awm bawk a ni.