School Education Minister in aikal lak tum te inthiarfihlim turin a hrilh

School Education Minister, Lalchhandama Ralte chuan sawrkar in aikal lak a phalloh thu sawiin, aikal lak tumte chu an hna a\anga inthiarfihlim turin a hrilh.
Primary School leh Middle School zirtirtu atana lak tharte tan ni hnih (2) chhung awh tur Induction Training hawnna nimin-a SCERT Auditorium, Chaltlang-a neih a hmanpuina ah he thu hi sawiin School Education Minister Lalchhamdama Ralte chuan tunhnaia MPSC kaltlanga Primary leh Middle School Teacher atana lak thar mi 153 te chu an hna an zawm veleh an awmna hmuna \ha taka awm nghal chat tam tak an awm laiin mi 4/5 vel chu hna an zawm hnu lawka aikal lak tur melh nghal leh transfer kherh nghal an awm tih a sawi a. Thingtlang hmun hrang hrangah mamawhna avangin dah an ngai a, anmahni post \heuhah lungawi a, an Mission Field a ni tih pawm tur leh zirna siam\hatna kawngah koh an nihna hmun a ni tih pawm turin a chah a ni.
Education Minister chuan zirtirtu lak tharte chu hun vawng dik a, School \an hun zing dar 9:00 chu ngai pawimawh turin a chah a, \an hmaa naupangte lo chiauau hman tur leh School compound vela naupangte che vel pawh thlithlai fo turin a chah a. Zirtirtu inthuamna leh nihphung tur awm ang renga inchei tur leh zirtirtu hna chu hna zahawma siam tura fuihin, Zirtirtute zingah khawlaia zu rui sawi tur an awm leh zauh \hinthu leh chutiang zingah chuan tello tur leh zuk leh hmuam, ruihtheih thilah leh zirtirtu tih atana mawi lovah te inthiarfihlim turin a fuih bawk.
Minister chuan tunhnaiah zirtirtu zingah anmahni ngeiin Minister chu hmua transfer dil ta ngawng ngawng an awm thu pawh sawiin, hei hi tih loh tur a nih thu leh Minister hnen thlen ngai anih pawhin dan anga dilna siam turin a hrilh a, an thawhna School building \heuhte chu neitu nihna thinlung neia enkawl turte, a bula mite rawn nek tur laka lo humhim te a \ul thu sawiin, School ram nek an awm anih chuan thuneitute hnena thlen vat turin a chah bawk. Minister chuan tunhmain zirtirtute chu khawtlangin neitu ah ngaiin, sawrkar hnathawk pangngai aiin an dah sang \hin tih pawh sawiin chu dinhmun chu vawng nung tlat turin a fuih a. Naupangte thinlungah Mizo nationalism te, Aia upa zah te leh nundan phung te tuh fo turin a fuih a, an mawhphurhna pawimawh tak, Hnam siam\hat nana a pawimawh laia \hu an nihna hre reng turin a chah bawk.
Nimin a Induction Training hawnna hi School Education Director, Lalzarmawii IAS-in a kaihruai a, Director chuan naupangin hma lam hun eng \ha tak an neih theih nan nuam ti taka zirtirna an dawn a ngai a, chuvangin zirtirtute chu naupangte chawk phur a, an future siamsaktu ni turin a fuih bawk.

Comments

Popular posts from this blog

PAN CARD an tih teh fo hi - Laldinpuia