Cooperation Minister in MULCO hmunpui tlawh

Cooperation Minister, C. Lalrinsanga chuan niminpiah tlai khan Mizoram Milk Producers' Co-operative Union Limited (MULCO) hmun, |huampui chu tlawhin MULCO hmunhma hrang hrang fang kualin Board of Directors leh MULCO hnathawktute nen inkawmna an nei.

He hunah hian Cooperation Minister chuan hun hmasa lama Cooperation Department a enkawl lai nen tehkhin in tunah MULCO chu a lian tawhin an \hang nasa hle tih a sawi a. MULCO chu Coperative Society anih angin a thawktu te chuan Cooperative thil tum leh a kaihhruaina dan mumal tak awm te chu an hriatsa mah nise, ngai pawimawh a, Cooperative Society leh MULCO \han chhoh zelna ah rinawm leh taima taka thawk turin a fuih bawk.

He hunah hian MULCO Board of Directors, Chairman, Vanlalchhunga chuan Cooperation Minister in hun hmasa lama Cooperation Department a lo enkawl laia nasa taka MULCO hmasawnna alo ngaihtuah dan leh hma a lo lak tawh dante ngaihtuahinbeiseina sang tak an neih thu a sawi a. MULCO Managing Director, Dr. David Dailova Varte chuan an hnathawh dan leh dinhmun te a hrilhfiah bawk.

MULCO hi Mizorama Cooperative Society zinga mipui hriat hlawh tak leh an chhawr pawl tak niin kum 1984-ah AH & Vety Department hmalakna a din a ni a, kum 1995 a\ang khan indangin nikum 2018-19 chhung khan bawnghnute 20,08,030 litres an hralh a, hei hi kum 2017-18 a bawnghnute an hralhchhuah, litre 18,09,405.4 aiin litres 1,98,624.6 in tam zawk a, kum 2018-19 a bawnghnute hralhna a\angin Rs. 10,76,87,402.60 hmuh a ni a. Hemi kum chhung vekin bawnghnute product hrang hrang siam nan bawnghnute litres 2,82,860 hman niin a hralhna atangin Rs. 4,88, 35, 886 hmuh a ni. Tunah hian hnathawktu a nghet leh nghet lo mi 70 vel an awm mek a ni.