National Fortnight on Eye Donation hman a ni

* Midang tana mit pek tum 6894 awm tawh

Nimin khan Sekawn Hospital, Lunglei-ah 34th National Fortnight on Eye Donation pualin hun hman a ni a, he huna tarlan a nih danin Civil Hospital Aizawl-a Eye Bank din anih hnuah Mit donate tura intiam mi 6894 an awm tawh.
lenkawl.khampat.comEye Donation Forthnight hi India ram pumah kumtin hman \hin niin Mit thlak (eye transplant) mamawhna sang lutuk phuhru thei tura Mit pek (donate) pawimawhna mipui te hnena inzirtirna atan hman \hin a ni a, National Fortnight on Eye Donation hawngtu Dr. Lalrinthangi, SMO, District Programme Manager, District Blindness Control Society (DBCS) chuan mipui kalkhawmte chu an Mit ngun taka enkawl tur leh Mit na an neih emaw, Mit an tih hliam palh emaw chang ten Doctor pan vat \hin turin a chah a. District Blindness Control Society (DBCS) hmalakna hrang hrang pawh sawilangin, nikum (2018-19) khan mi 296 te Cataract surgery neih anih bakah naupang 282 leh puitling 563 hnenah a thlawnin Tarmit pek an ni a. Hei bakah hian School leh Institution hrang hrangah Awareness Campaign neih anih \hin thu sawiin, Mit donate-in Mit mu lak vek a ngaih loh thu leh Mit darthlalang chauh lak anih \hin thu a sawi bawk.
He huna tarlan a nih danin Mizoram Eye Bank, July 31, 2008 a Civil Hospital Aizawl-a din anih hnuah tun thlengin Mit donate tura intiam mi 6894 an awm tawh a. Mizoram Eye Bank hian an hmalakna hlawhtling taka kalpui zelin tun dinhmunah Mit donate tawh mi 763 (Corneal collection) an awm a. Heng Mit donate hmang hian Civil Hospital Aizawl chuan Mit thlak (Corneal Transplant) 87 ti tawhin Sri Sankaradeva Nethralaya, Guwahati chuan Corneal Transplant vek 355 an kalpui tawh a ni.

Comments

Popular posts from this blog

PAN CARD an tih teh fo hi - Laldinpuia