Serchhip-III VC in Vantlang Inkhawm an huaihawt

Serchhip-III Village Council chuan nimin zing khan Lalpuithanga Hall-ah Vantlang Inkhawm ko in Faina kawnga hmalak dan tur leh MGNREGS inhlawhna awlsam zawka an lak theih dan tur an sawiho bakah Tuihna humhalh chung-chang leh Mau chin dan tur chungchang an sawiho.

Serchhip-II VC in vantlang Inkhawm an koh hi VC Vice President, C. Lahminghlua chuan kai-hruaiin VCP, PC. Siamliana chuan inlawmna thu sawiin, Faina kawngah mipuite fuihna thu a sawi a, Aug ni 31, 2019 (Inrinni) khian khaw-tlang huap faina hnatlangpui neih nise an ti a. Khawlai tibawlhhlawh, khawlaia ran ektir te, chilchhak leh vantlang hmun tibawlhhlawh chawitir theih zat te Serchhip-III Sanitation Committee Secretary, R. Lalmuansanga hnen a\angin ngaihthlak a ni bawk.

Mizoram Rural Bank aiawha thusawitu Francis Lalhmunsanga, Manager, MRB Ser-chhip Branch chuan MGNREGS hnuaia ni 100 hlawh lak danah, VEC leh VC ten Job Card holder tin Account a\anga la chhuaka a hlawma sem mai chu Vantlang inkhawm in a remtih chuan thil awlsam tak a ni thei tih sawiin, Gram Sabha pass tawh mimalin bawhchhiat theih a ni lova, phal lo bik awm thiang a ni lo, a ti a. Heng bakah hian Job Card Holder ten kum khata Rs. 12/- pe-a Life Insurance cheng nuai 2 dawn theihna te leh Rs. 100/- leh a chunglam pe tan cheng nuai 24 thleng dawn theihna te a sawi a. Mipui chuan VEC ten a hlawmin sem se tia remtihna ban an phar bawk a ni.

He hunah hian PHE Department a\angin PC. Lianrengpuii, JE chuan tuihna humhalh a \ul zia leh tui renchem a \ul zia kalkhawmte hma ah hian sawiin, Lengte leh Lunglei ram neitute aiawhin C. Sawiluaia chuan Mau chin kawnga hma an lak dan hrang hrangte a sawi bawk. He Vantlang Inkhawm hi MRB Serchhip Branch bultuma neih niin mi 100 vel an tel a ni.