BLO tan Training buatsaih

Special Summary Revision of Photo Electoral Rolls 2020 neih tur inbuatsaihna atan nimin khan Serchhip District chhunga Booth Level Officer (BLO) te tan Training neih a ni.
Serchhip DC Conference Hall-a BLO Training-ah hian Serchhip Election Officer, Vanlalhmachhuana chuan kalkhawmte zirtirna pe in tuna BLO te chu kum 2006-a ruat an nih thu leh Electoral Roll felfai leh \ha kan neih theih nana a tak taka thawktute an ni tih a sawi.
Election Commission of India thuchhuah angin nimin August 16, 2019 (Zirtawpni) a\anga September 30, 2019 (Thawh\anni) chhung hian Electoral Roll dik leh felfai a awm theih nana hmalakna thar, Electoral Verification Prog-ramme (EVP) kalpui tur a ni a, he programme hnuaiah hian Elector ten Roll-a an hming leh an chhungkaw hmingte internet a\angin an endik thei a, diklo leh siam\hat ngai dilna an thlen nghal thei a. Chung an dilna te finfiah hna leh a \ul anga document lo umzui chu BLO te mawhphurhna niin, BLO te hian an bial chhung In tin tlawh chhuakin, Geo-Tagging te pawh tih vek tur a ni dawn a. Chung atana an hriat tur thil pawimawh hrang hrangte chu training-ah hian zirtir an ni.
Hei bakah hian Special Summary Revision 2020 pawh neih zui nghal tur a ni bawk a, nakum January ni 1-a kum 18 tling tharte chu Electoral Roll ah hian thun tur a ni ang. Serchhip District chhungah hian Booth Level Officer (BLO) 77 an awm a, Training-ah hian BLO te an tel \ha hle a ni.

Comments

Popular posts from this blog

PAN CARD an tih teh fo hi - Laldinpuia