Chhim lamah BJP tan kawl a eng zel - JV. Hluna

/
BJP Mizoram Pradesh President, Prof. JV. Hluna chuan Mizoram chhim lamah BJP tan kawl a eng zel niin a sawi.lenkawl.khampat.com
BJP Mizoram Pradesh in Union Finance Minister hlui, Arun Jaitley sunna hun nimin-a Aizawla an Office-a an hmanna ah he thu hi sawiin Prof. JV. Hluna chuan MADC ah Sawrkarna siam tawhin CADC lamah pawh Congress a\angin MDC pathum in BJP an zawm leh tawh tih a sawi a. “Chuvangin chhim lam a\ang hian kan eng chhuak dawn anih hmel a, Hmar lam ah pawh nasa zawk a kan len chhoh zel a beisei awm a ni,” a ti. JV. Hluna chuan Central zawm Party nih loh chuan rin aiin hmalak a harsa \hin tih sawiin, Mizo mipui te pawh Mizoram tan a fing taka kan awm a ngaih tawh thu leh Kristian ram kan nih angin Hindutva emaw, RSS tih vel emaw hlau a inbum kual mai mai lovin Mizoram hi Mizote ta anih angin BJP-ah pawh Mizo vek awmin, Mizoram leh hnam tan theihtawp an chhuah mai dawn tih a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »