Agriculture Department-a thawk te inhmukhawm

Agriculture Department-a thawk Officer te chu nimin khan Directorate of Agriculture Committee Room, Aizawl-ah an inhmukhawm a, he hun hi Agriculture Minister, C. Lalrinsanga chuan a hmanpui a ni.

Agriculture Department-a Addl. Secretary, Lalhrangliani kaihhruai he hunah hian Agriculture Minister chuan Agriculture Officer te inpekna leh thawhrimna te avanga lawmthu sawiin, Loneitu tam zawkin an thar a, kan ram mipuite mamawh khawp kan ram chhungah ngei tharchhuah a nih theih nan theihtawp chhuah zel turin Agriculture Officer kalkhawmte chu a sawm a. Sawrkarin Agriculture Development Board a din fel tawh thu leh, ‘Chaw’ a intodelh chu an tum leh ngaih pawimawh ber nih thu sawiin, Ei leh bara kan intodelh theih nan chak taka hma lak tum a nih thu a sawi a. Khawvel zau zawk thlirin Chemical Fertilizer aia Organic fertilizer hman uar zawk tum a nih thu a sawi bawk.

Agriculture Minister chuan \halai tam takin kuthnathawh an hreh loh theih nan Farm Mechanization uar a, khawl tha hmanga buh leh bal tam zawk tharchhuak tura hma lak a nih dawn thu a sawi a. Buh leh bal thar tam nana tui a pawimawh avangin Irrigation Department nen inpawh taka thawhho a \ul thu pawh sawiin, Buh leh bala kan intodelh theih nan Cropping pattern thar hman a ngaih dawn thu leh Scheme \henkhat converge a ngaih tur thu a sawi a. Buh bikah WRC- I leh WRC-II hnuaia Command Area Development leh leilet atana hmun siam rem tawh, hman \angkai loh a rauhsan mai mai a lo awm te chu siam\hat a, Cropping Pattern mumal tak neia kalpui a nih tur thu Agriculture Minister chuan a sawi bawk.

He hunah hian Dr. H. Saithantluanga, Director, Agriculture (Research & Extension) pawhin thu sawiin Hnahthial-a Basic Agriculture Technology zirna Integrated Training Centre te, Neihbawih-a State Pesticide Testing Laboratory te, Chemphai-a Agriculture Demonstration Farm te, District tina KVK, ATMA, SAMETI leh MOVCD te an enkawl thu sawiin, March thla khan Bean chi thar 'Zorin Bean' chu siam chhuah a ni a, tunah hian Vaimim chi thar 7 siam chhuak turin hma lak mek a ni bawk tih a sawi.

Rohmingthanga Colney, Diector, Agriculture (Crop Husbandry) pawhin an hmalakna tlangpui sawiin, a taka Crop Insurance kalpui vat tum a nih thu te, District thar pathum-ah DAO Office hawn a nih thuai theih nana hmalak mek a nih thu te a sawi a. District Agriculture Officer ten an District huamchhung \heuha an hnathawh dan leh hmachhawp te an sawi bawk a, Aarhar Dal thar dan leh Chhawhchi Tel her theih tura hmalakna te pawh Agriculture Officer te hian an report bawk a ni.