Serchhip-a Independence thunawi thenkhat

I-Day pualin thilpek hlan

India Independence Day pualin nimin zing khan Serchhip khawpui chhunga damdawi In leh Home hrang hrangah thilpek hlan a ni. Serchhip-a Independence Day Celebration Committee in ruahmanna a lo siam tawh angin nimin zing khan ram zalenna Ni champhaphak pualin Serchhip khawpui chhunga damdawi In, Home leh Jail-ah te thilpek hlan a ni a, District Hospital, Serchhip; Mercy Hospital; Serchhip District Jail, Zoar Deprived Children Home, Unity Orphanage Home, Adult Rehabilitation Centre, Chhiahtlang, Old Age Home, New Serchhip leh Shalom Special School Serchhip-ah te thilpek hi hlan a ni a, heng thilpek te hi Social Welfare Department thawktute leh YMA Sub-Hqrs. hruaituten an hlan a ni.

March pass-ah LFCS

Nimin-a Serchhip-a India Independence Day hmanna ah Parade Contingent 16 awmin heng te hi Armed Contingent-ah Police Training School Thenzawl, Un-Armed Contingent-ah Ex-Servicemen Serchhip leh NCC Govt. H/S Serchhip bakah School Contingent 13 te an ni a, heng Parade Contingent te hian SI Hrang-chhuana, 3rd Bn. MAP kaihruaina hnuaiah March pass neiin a pumpui ah Little Flower Convent School chu pakhatna an ni a, Millenium H/S Chhiahtlang chu pahnihna niin Marian H/S chu pathumna an ni bawk.

VIP At Home-ah tel \ha

Nimin chhun khan Serchhip DC Bungalow-ah Independence Day pualin sawm bikte tan VIP At Home buatsaih a ni a. He hunah hian Independence Day-a khuallian School Education Minister, Lalchhandama Ralte leh amah rawn \awiawmtu C. Lalmuanpuia, MLA bakah Serchhip DC, Sangchhin Chinzah, Serchhip SP, Karthik Kashyap IPS leh Officer te bakah khawtlang hruaitu VC, tlawmngai pawl aiawhte leh thuthar thehdarhtute telin thingpui ruai an kilho nghal bawk a ni.

lenkawl.khampat.com