Latest News

Serchhip District kum 25 tlin lawmna District Bawrhsap hovin neih a ni

Image
Kum 1998-a hawn Serchhip District in kum 25 a tlinna, Silver Jubilee chu nimin khan Serchhip DC Office bultumin a lawmna neih a ni a. Serchhip District Silver Jubilee hriatrengna lungphun Serchyhip DC Office Tual a mi chu Serchhip DC David Lalthantluanga chuan a hawn hnuah DCConference Hall-ah Silver Jubilee lawmna hi neih a ni.

Serchhip-ah Scholarship dil dan zirhona neih a ni

Zirlai naupang ten Scholarship chi hrang hrang an dil theih tan tur zirhona leh sawihona chu nimin khan Serchhip P&E Veng YMA Hall-ah neih a ni.
Serchhip District chhunga zirna In hrang hrangte tana Scholarship dil dan chungchang zirhona leh sawihona hun hi Serchhip District Education Officer, Lawmawma chuan kaihruaiin tunhma lam ah Paper hmanga Scholarship dilna siamin DEO Office a\anga buaipui \hin ni mah se online hmanga dil vek a \ul tawh avang leh zirna In ten anmahni-a an buaipui a \ul avangin Mizo-ram Scholarship Board in ruahmanna a siam angin he zirhona hi neih a nih thu a sawi a. Tun \umah hian Serchhip District chhunga Primary School a\anga Higher Secondary School thlenga zirna In aiawh te koh an nih thu sawiin, naupang te tana thawk an nih angin naupang ten an chanvo an chan ngei theih nan theihtawp chhuah turin zirtirtute chu a chah bawk.
Nimin a he zirhona hunah hian SCERT-a Deputy Director leh Education Department-a Under Secretary, Ch. Lalnunkima chuan he Training an buatsaih chhan te sawiin, Lal-ramthana, Data Entry Operator chuan he huna kalkhawmte hi zirtirna a pe a. He hunah hian zirna In hrang hrang a\anga tel te hi Scholarship dil dan a lem nena intarlanna chu sem vek niin hemi mil hian zirtirna hi pek an ni a, Zirtirtu ten an hriatthiamloh hrang hrangte zawtfiahin sawihona neih a ni bawk. Nimin a he zirhona hunah hian Serchhip District chhunga zirna In hrang hrang a\angin Zirtirtu mi 128 an tel a ni.

Comments

Popular News (Last 30 Days)