Mid-Day Meal zirhona nei

SSA Mission Serchhip District buatsaihin Serchhip Block huamchhunga Middle School leh Primary School-a Mid-Day Meal Incharge te tan nimin khan Cook-cum-Helper Training neih a ni.
SSA Block Resource Centre, Serchhip-a he training hi SSA Mission Serchhip District-a Deputy DPC, R. Lalawmpuia chuan kaihruaiin District Project Coordinator, Vanlalchhana chuan he training hi a hawng a, Mid-Day Meal in a tum ber chu zirlai naupangte hnena chaw hrisel leh thianghlim pek a nih thu sawiin, he training ah hian chung zawng zawng chu zir vek theih a nih dawn loh avangin Zirtirtute chu an awmna \heuh ah remchanna zawnga naupang ten eitur hrisel an hmuh theihna tura theihtawp chhuah turin a fuih a. SSA hnuaia Nutrition Garden an kalpuite pawh zirlai naupangte tana inelna thianghlim siamna atana hmang thiam tura fuihin, naupang ten eitur hrisel leh thianghlim an hmuh theihna turin Department dang te nen pawh thawhho zel a nih tur thu a sawi bawk.
Nimin a he Training-ah hian SSA Mission hnuaia Mid-Day Meal incharge, Lalrinzuali leh Laldampuii ten eitur thianghlim leh hrisel siam dan hrang hrang he huna telte hi a takin an entir a, BRC Coordinator, J. Lalmuanpuia chuan lawmthu sawina neiin a khar a ni. Serchhip SDEO hnuaiah hian Sawrkar School (Primary & Middle) 40 chuang awmin, heng School te hian October thla khian District Level Cook Competition neih tura ruahman niin, hemi hnu hian State Level Cooking Competion buatsaih leh tum a ni bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia