Exam Question siam dan chungchang zirhona nei

Mizoram-a Quality Education a awm theih nana hmalakna kal zelah Training on Question Setting Technique for High School and Higher Secondary Lecturers chu nimin khan Aizawl-a MBSE Conference Hall-ah neih \an a ni.

Training on Question Setting Technique for High School and Higher Secondary Lecturers hi Commissioner & Secretary, School Education Department, Esther Lalruatkimi chuan hawngin Mizoram-ah Board Exam pass parcentage kumtinin a sang a, amaherawh chu Mizo zirlaite India ram chhung hmundang leh rampawn-a zirlai dangte nena inelna ah a ti\ha lo leh a hniam zawkah an \ang zel a, hei hian Quality Education kan neih \hat tawk lohzia a tilang a ni, a ti a. Zirchianna hrang hrang neih hnuah Exam-a zawhna set dan in a zirloh avangin kan zirlaite an hnufual \hin tih hmuchhuah a ni a, hei vang hian Training on Question Setting Technique hi a pawimawh em em a ni, a ti.

Education Secretary chuan Zirtirtute chu note siam sa leh Bazar note zirtir lo tura chahin, sawrkar School a thawk zirtirtu note siam a mahni hlawkna tura hralhchhuak te chu sawrkar Financial Rules bawh-chhia an ni tih a sawi a. Private School \henkhat ah a bikin pawl 11 zirlai Syllabus zir lova pawl 12 Syllabus zirtir nghal an awm \hin thu sawiin, hei hi sawrkar School ah an tih ve loh a beisei thu a sawi bawk.

MBSE hian India rama publisher hriat lar, Macmillan Education, Oxford University Press leh MBD Group te a thawhpui a. Heng company a\anga Mizoram a rawn kal Resource Person ten High School leh Higher Secondary School zirtirtu te chu ni 5 chhung training an pe dawn a ni. Kum 2020 HSLC leh HSSLC exam a\anga hman turin MBSE chuan Exam dan kalphung leh zawhna zawh dan thar a duang a. Hemi zulzui hian 2019-2020 Academic Session a\angin zirtirna pawh kal pui mek a ni. A tum ber chu Content Based Question a\anga Competency Based Question tam zawk zirlai naupang te tana chhawpchhuah niin, hei hian an ngaihtuahna hman thiam kawngah te, an hmalam hun atan leh School a zirna kalpui dan a \ha zawk a thlak beisei a ni.