Kaw\halo laka naupangte an him theih nan Rota Virus Vaccine pek \an an ni

Kaw\halo natna laka naupangte an lo him theihna turin nimin a\ang khan Mizoram-ah Rota Virus Vaccine pek beihpui chu thlak \an a ni a, Serchhip District-ah pawh he beihpuithlakna hi a hawnna tawi Serchhip District Bawrhsap, Sangchhin Chinzah hova neiin naupangte hnenah hri danna pek nghal a ni.

Rota Virus Vaccine pek beihpui thlakna puala inkhawm tawi New Serchhip Sub-Centre a neih ah hian District Immunisation Task Force Chairman leh District Bawrhsap, Sangchhin Chinzah chuan kaw\halo leh luak vangin Vawiin thlengin kan fate damdawi In-ah kan la dahlutin vanduaithlak taka nunna chan te pawh an la awm thu sawiin, India rampum anga thlir phei chuan he natna vanga hun, tha, sum leh nunna kan hloh hi a la nasa em em a ni, a ti a. Hei vang hian he natna laka naupangte an lo him theihna turin Sawrkar laipui chuan he natna thlentu langsar ber pakhat, Rota Virus vaccine pek a rel tak thu leh lawmawm a tih thu sawiin, he Vaccine hi Injection-a pek tur a nih loh avangin nu leh pa te chu an fate, hri danna la thei zawng zawngte lo lak tir vek turin a ngen a ni.
He hun kaihruaitu District Immunization Officer, Dr. Lalhlunpuii pawhin Rota Virus vaccine chungchang hi sawifiahin, a bul \an nan naute thla khat leh a chanve te hnena pek phawt tur a ni a, a hnuah thla hnih leh a chanve leh thla thum leh a chanve te hnenah pek leh tur a nih thu a sawi a. Naute ka-a thlawr nga thlawr mai tur chi a nih thu leh he vaccine hi naupiang zawng zawng hnenah hri danna pek pangngai anga pek zui zel tawh tur a nih thu a sawi a. Vaccine la te chu kaw\halo leh luak lakah an him hmak dawn tihna erawh a nih loh thu leh kaw\halo vanga damdawi In-a luh ngai khawpa nat theihna lakah mi a veng thei tura ngaih a ni thung tih a sawi bawk.
He vaccine hi nimin a\ang khan Serchhip District chhunga Sub-Centre tinah pek chhuah \an tur a ni a, ASHA te pawhin an bial fang chhuakin a la tur naute zawng zawngten an lak ngei theih nan hma an la dawn a ni.
Mizoram-ah hian hri danna hrang hrang chi 9 kalpui ni tawhin a 10-na atan hri danna thar, Rota Virus Vaccine (kaw\halo hridanna) a vawi khatna pek a ni a. Rotavirus hi naupang kaw\halo thlentu pakhat niin naupang damlo 40% hi Rota Virus vang anih avangin India ram State 11-ah hri danna kalpui ni tawhin a 12-na atan Mizo-ram-ah hian kalpui \an a ni.
He natna hrik in a tihbuai naupangte chu khawsik, luak chhuak leh kaw\halo ten a zut a, ni 1 a\anga ni 3 inkar chhungin a rawn lang-chhuak \hin a ni. Hemi hri danna tur hian Rota Virus vaccine chu naupangte pek an ni dawn a, Vaccine hi \um 3 lak tur niin \um khat ah far nga thlawr tur a ni a. Kar 6, kar 10 leh kar 14-a upa an nih in naupang ka a thlawr tur a ni. Vaccine lak zawhah pawh naupang chu a khua a sik, luak, \ap bang theilo leh pumna emaw, pum puar emaw a nih chuan bialtu Doctor pan vat tur a ni.
Rota Virus vaccine hian naupang kaw-\hatlohna chhan pui ber natna hrik lakah a veng a, India rama naupang maktaduai 30 chuang hnenah pek tawh niin Side Effect engmah hmuh a nilo a, he hri avanga kaw\halo awm \hin chu nasa takin a tlahniam a ni. Khawvel pumah naupang kum 5 hnuailam 10% thihna hi kaw\halo vang niin India ramah kumtin naupang thi nuai khat vel an awm \hin anga chhut a ni a, kum 2018 khan Mizoram-ah chuan naupang kaw\halo vanga thi hi pakhat chiah chhinchhiah a awm thung a ni.
Nimin a Serchhip-a Vaccine pek bul\an inkhawmah hian Serchhip CMO, Dr. Laldawng-lianga Sailo leh DIPRO, K. Saitluanga te bakah Medical lama thawktute leh vaccine la thei mi \hahnem tak an tel a. Hun hman zawh a nih hnu hian Doctor leh Health Worker te hian Bawrh-sap hovin hri danna hi an pe nghal a ni.

Comments

Popular posts from this blog

PAN CARD an tih teh fo hi - Laldinpuia