Volleyball Season Opening Tournament khelh \an a ni

Serchhip District Volleyball Association buat-saih, Season Opening Tournament chu nimin khan Serchhip Vengchung Volleyball Court-ah khelh \an a ni.
Serchhip District Volleyball Season Opening Tournament hi Serchhip DRDA Project Director, H. Dolianbuaia chuan khuallian nia hawngin tunlai khawvel ah chuan eng infiamna pawh awmze neiin kan ramah kalpui a nih tawh thu sawiin, hei vang hian kan khawchhung a khelh mai duhtawk lovin zau zawka khel tura inchher tum turin infiammi te chu a chah a. Eng infiamna pawh intihhlimna atan chauh ni tawh lovin ei-zawnna atana kan hman tawh thu sawiin, hei vang hian hma sawn zel tum turin infiammi te chu a chah bakah a lo entute tan pawha hmuhnawm ni tura \ang taka khelh tum turin he huna kal-khawm infiammi te chu a chah bawk.
Serchhip District Volleyball Association President, K. Tlangthanmawia kaihhruai he hunah hian C. Laldinpuia hnen a\angin Technical Report ngaihthlak a ni a. Tun \um Season Opening Tournament-ah hian Mipa-ah Team 13 leh Hmeichhia-ah Team 5 telin Mipa hi Pool 4-ah \henin Pool khata awm te hi an intumkual \heuh hnuah Pool tina point hmu sang 2 ten 2nd Round an lut tawh a. Hmeichhia-a tel Team 5 te hi Pool 2-ah \henin Pool khat a\anga point hmu sang 2 ve ve ten Semi Final an lut ang. Tun \um Tournament-ah hian Serchhip khaw pawn a\angin Kei\um, Khawlailung, Thentlang leh Lungpho te an tel a, tunkar Inrinni kian Final khela zawhfel a ni ang.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia