LENKAWL kum 38-na

Vawiin, August 14, 2019 hian LENKAWL Serchhip Nitin Chanchinbu chuan kum 38 tlingin kum 39 hmel a hmu chho ve \an dawn ta a, hetiang hun tluang taka kan thleng thei hi Chanchinbu enkawltute kan lawm hle a, chutihrual chuan he Chanchinbu a chhuah tirh a\anga min hlut saka Vawiin thlenga min laksaktu te, Chanchinbu-a chhuah tur thu chi hrang hrang rawn ziak \hin leh Advertisement rawn chhuahtute leh thurawn \ha tak tak min pe \hintute chungah Vawiin hian a tharin lawmthu kan sawi leh a. Nangmahni zarah hetiang hun hi kan thleng thei a ni tih kan hria a, hun lo kal zel turah pawh thurawn \ha tak tak min pe zel turin kan ngen bawk che u a ni.
He kum 38 chhung hian LENKAWL chanchinbu enkawltute pawh hian harsatna tam tak kan tawkin kan Chanchinbu enkawltu \henkhat te pawhin Chatuan ram min pan san hial a. Chutiang harsatna karah pawh kum 38 chhung khaihlak awm lova min hruai tu Pathian hnenah pawh lawmthu kan sawi tak meuh meuh a ni.
Kan sawi tawh \hin angin kum 40 vel kalta ah khan Serchhip-ah hian tualchhung Chanchinbu chhuak mumal a awm meuh lo a, Serchhip khawtlang tana \angkaina a neih ve beisei avang leh khawtlang hmasawnna a nih beiseiin he Chanchinbu hi tihchhuah a ni a. A chhuah tirh a\angin Serchhip mipui ten min hlut sakin Serchhip hmasawnna tur atan pawh min hman \angkai sak viau niin kan hria a, a lawmawm kan ti a. He Chanchinbu hi Serchhip khawtlang hmasawnna atana tihchhuah a nih angin hun lo kal zel turah pawh a \angkai thei ang bera rawn hmang zel turin kan sawm bawk che u a ni.

Comments

Popular posts from this blog

PAN CARD an tih teh fo hi - Laldinpuia