Assam leh Mizoram ramri chungchang ah District pahnih thuneitu ten inbiakna an nei

Bairabi Zophai ramri buai chungchangah nimin khan Kolasib DC, Zoengsanga leh Hailakandi DC, Kriti Jolly te chuan Bairabi PWD IB-ah inbiakna an nei.
Zawhna chhangin Kolasib DC chuan sawrkar ruahmanna anga he Meeting neih anih thu sawiin, boruak muanawm tak hnuaiah hun hman a ni a, lungrual takin Zophai chungchang pawh an sawi thu a sawi a; ramri chungchanga an thurel te chu Mizoram sawrkarah thlen ani anga, a \ul angin sawrkarin hma a la ang, a ti a. He an inbiakna chungchang hi Vawiin-ah Chief Secretary hnenah a thlen tur thu thuthar thehdarhtute zawhna chhangin a sawi bawk.
Hailakandi DC, Kriti Jolly pawhin inbiakna zawh hnua thuthar thehdarhtute zawhna chhangin, he inbiakna ah hian State pahnih aiawh ten thuthlukna an siam thu sawiin, State Border chu insumdawntawnna leh inkalpawhna hmun pawimawh tak anih avangin mipui te lungrual taka an awm ho a pawimawh a, chu chu an duh ber pawh a nih thu a sawi bawk.
Nimin a ramri chungchanga inbiakna ah hian Kolasib District SP, Vanlalfaka Ralte, DFO, Laltlanhlua Zathang leh Officer pawimawh te an kal a, Hailakandi District a\ang hian an sawrkar mi pawimawh SP, Prabindra Kumar Nath, DFO D. Biswas leh Official \henkhat te an tel bawk a. Inbiakna an neih zawh hnu hian tunhnaia Bairabi Zophai hmuna Mosolman Biak In sak mek chu DC pahnih te hian a hmun ah tlawhin an enfiah nghal bawk a ni.
Tarlan tawh angin Mizoram Chief Secretary kaihhruai ramri ngaihtuahtu Core Committee chuan Zophai-a Mosolman biak In sak \hat chungchang ah DC pahnih hi inbe turin an ti a. Home Department hotute hnen chuan Kolasib DC hi Assam lamin kut an rawn thlakte \hiat tura Hailakandi DC hrilh tura tih a ni a. Helai hmunah hian a khawi lam lam mahin hma thar la lova thil awmdan ngai a dah tura tih a nih laiin Assam lam hian Muslim biakin sa \ha in dawrte pawh an rawn siam belh niin an sawi a. Core Committee \hukhawm chuan Assam mite thiltih hi \hiat tura Assam sawrkar hrilh ni se an ti a. Zophai hmuna Mosolman biakin (mosque) awm \hin hi bomb hmanga mi tu ten emaw an beih avanga chhia a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia