Serchhip Sub-Hqrs. YMA te lawm

Serchhip Sub-Hqrs. YMA chuan Zote South leh Kanghmun South khua te Serchhip District a dah an nih avanga an lawmthu an sawi.
Nimin a thuchhuah an siamah Serchhip Sub-Hqrs. YMA chuan Serchhip Sub-Hqrs. YMA Conference vawi 5-na chuan “Zote ‘S’ leh Kanghmun South khuate hi Serchhip District-a rinluh a nih theih nan hmalak ni rawh se” tih a lo pass tawh thu tarlangin, heng khaw pahnih te hi an Sub-Hqrs. YMA hnuaia awm, inkalpawhna lamte a awlsam zawk bakah sawrkar Department hrang hrang inawpna leh inenkawlna kawngah Serchhip lama bet sa an ni bawk avangin a khaw mipui, khaw-tlang hruaitute leh tlawmngai pawl hrang hrang ten an duhna hming ziakte thehlutin sawrkar thuneitute hnenah pawh hma an lak thu an sawi a.
Mizoram-a sawrkar thar a din hnuah beiseina sang tak nen Chief Minister hnenah ngenna thehlut lehin hei hi sawrkar chuan chak taka bawhzuiin August ni 9, 2019 khan heng khaw pahnih Zote ‘S’ leh Kanghmun South khuate chu August ni 9, 2019 a\anga Serchhip District lama bet tawh turin a lo tifel ta chu Mizoram sawrkar chungah an lawm hle tih an tarlang bawk.

Comments

Popular posts from this blog

PAN CARD an tih teh fo hi - Laldinpuia