New Delhi-a cham mek Chief Minister, Zoramthanga chuan Ningani khan NITI Aayog Vice Chairman, Dr. Rajiv Kumar kawmin Mizoram hmasawnna tura hmalak dan tur kawng hrang hrang a sawipui.
NITI Aayog Chairman nen an inkawmna ah hian Chief Minister, Zoramthanga chuan Mizoram hmasawnna tur atana nasa taka hnathawh dan tur kawng hrang hrang a a hmachhawp te sawiin, NITI Aayog pawhin a \ul anga hma an lak pui a ngaih tur thu a hrilh a. Rua hmanga Mizoram leh North East economy nasa taka tih hmasawn a nih theihna atana a hmachhawp te hrilh in Central Sawrkar Department hrang hrangin an puih theihna tura NITI Aayog in hma a lak pui theih dan tur an sawidun a. NITI Aayog in theihtawp an chhuahpui tur thu leh Central Ministry dangte nena an thawhho theihna tura ruahmana pawh an siam tur thu Vice Chairman, NITI hian a lo hrilh a ni.
Chief Minister chuan tlangram, Hilly States tana Cost Norms hranpa siam a \ul thu pawh thlenin, NITI Aayog in chak taka hma a lak a nih tur Vice Chairman hian a lo hrilh a. Hei bakah hian India hmarchhak a chengte tana Gross Budgetary Support \angkai zawka hman theih a ruahman a \ul thu te, NEC leh Ministry of DONER thuamchak a \ul thu te, North East States tan bik External Aided Project awlsam zawka hmuh a nih theihna atana inkaihhruaina Guidelines siam\hat a ngaih thu te leh hmasawnna atana hnathawk tur hmachhawp tam tak an sawidun bawk.
Comments
Post a Comment