Serchhip ZPM in ZPM Hqrs. hmalakna lawmawm ti

Zoram People's Movement (ZPM), Serchhip Block Committee chuan Election Commission of India in Registered Political Party atana ZPM a pawm ta chu lawmawm an tih thu an sawi.

ZPM Serchhip Block hian Inrinni khan V. Rozamliana In, P&E Veng-ah Meeting neiin he thu hi Resolution siamin an pass a, ZPM Serchhip Block chuan ZPM General Hqrs. hruaitu ten \hahnem ngai taka hma an lak avanga July 3, 2019-a Election Commission of India in Registered Political Party atana ZPM a pawm ta chu lawmawm an tih thu leh Political party a nihna anga ram leh hnam tana ke a pênna ah an thláwp zel dawn tih an sawi a. August 6, 2019-a ZPM Val Upa Council (VUC) in hun khaihlak chhung (interim period)-a ZPM General Headquarters Office Bearers (OB) turte a ruat chu \ha an tih thu leh an thlawp thu pawh an tarlang bawk.

ZPM Serchhip Block chuan ZPM Party Legislature Leader leh Serchhip Constituency Bialtu MLA ni bawk, Lalduhoma leh a thawhpui ZPM MLA-te chu kan ram siam \hatu atan leh sawrkar khalh ngila min kaihruai tura an rintawk thu pawh sawiin, an thláwp tlat tih an sawi a. August 5, 2019-a Serchhip MPC Party Block Committee-in resolution a pass anga Serchhip MPC Block Committee te a bo a bang awm lova \hiah a ni leh inlungrual taka an thawkho chhunzawm zui ta chu a ropui an tih thu leh lawmawm an tih thu pawh an Resolution pass ah hian an tarlang tel bawk a ni.