Latest News

Excluded Area Grant sawifiah

Mizoram sawrkar-a Local Administration Department chuan VC te tana Excluded Area Grant pek tur chu K-Deposit ah dah leh rih a nih avangin Village Council te hnena sem mai theih a nih loh thu an sawi.
Thuchhuah an siamah Local Administration Department chuan sawrkar laipui-a Ministry of Finance chuan Nov. 8, 2017 khan Grant to Excluded Area cheng nuai 4,554 chu Indian Constitution Part IX leh IXA in a huam loh Mizoram-a VC-te tan a sanctioned tih tarlangin, he sum dawngtu tur hi Sawrkar laipui lehkha a\ang hian a chian mai loh avangin Mizo-ram Sawrkar-a LAD chuan Ministry of Finance-ah clarification an zuk dil a. Ministry of Finance chuan Mizoram-a 6th Schedule pawna Village Council-te chanpual anih thu rawn tichiangin, chumi hnuah, Chief Secretary kaihhruaina in High Level Committee chuan sum sem dan tur a rel fel tih an tarlang.
Hemi hnu hian Department lamin sanction dil mah se Mizoram-ah MLA inthlan leh MP inthlan neih a nih avangin Model Code of Conduct hman a ni a, chumi chhungin Excluded Area Grant hi khawih chet theihloh in dah rih a ni a. Sanction hmuh anih hnuin Bill hi Treasury-ah March 5, 2019 khan thehluh niin kar hnih hnuah lak mai theih tura ngaih a nih avangin LAD Minister pawhin Village Council Conference-ah pawh kar hnih hnu velah chuan sem mai theih a rin thu a lo sawi tawh tih an tarlang a. Amaherawh chu, hetiang sum tam tham hi Treasury in a lo pass mai thei lo a, Sawrkar kum tawp alo nih avangin March 30, 2019-ah K-Deposit ah dah leh rih a ni a, chuvangin Village Council-te hnenah sem mai theih a ni ta lo tih an tarlang bawk. Tunah hian cheng nuai 4,544.00 a\angin za a sawmli (40%), cheng nuai 1,817.594 chu Village Council-te account a thun turin tihfel mek a ni tih an thuchhuah ah chuan an tarlang bawk.

Comments

Popular News (Last 30 Days)