MZU-ah ram leilungfa duhsak turin MZP in ngen

MZP chuan Mizoram University (MZU) hnuaia hna hrang hrang Teaching leh Non-Teaching post lak \hin ah a thiam leh tling an awm a nih chuan a ram leilungfa Mizo te duhsak an nih theih nana hma la turin MZU thuneitute an ngen.
MZP General Hqrs. hruaitute hian nimin khan MZU Registrar, Prof. Nundanga chu a Pisa-ah kawmin MZU hnuaia Teaching leh Non-Teaching post hna hrang hrang lak chungchang hi an sawipui a. He hunah hian MZU Vice Chancellor lehkha tur pawh thehlut nghalin MZP chu Mizoram chhunga zirlai pawl lian ber leh Mizoram chhunga Pressure Group lian ber a nih thu leh MZP chu Mizo zirlaite tana ding a nih angin Mizo zirlaite tan chuan theihtawp chhuahin hma a la \hin tih an tarlang a. MZU hnuaiah Teaching & Non-Teaching post \hahnem tak lak a ni \hin tih tarlangin, tunhma chuan a thiam leh tling awmna ah chuan Mizo duhsak bik an ni \hin a. Hun a lo kal deuh a MZU-ah hian Mizo ni lo hnamdang thawktu an lo \hahnem tial tial a, a thuneitu sang lam pawh an lo awm ve ta zel tih tarlangin, “Kan hriat danin thiamna inang leh nihna inang ah pawh Mizo \halaiten MZU hnuaiah hian hna kan hmu lo ta fo mai a, hei hi MZP chuan \ha lo a ti hle a ni,” an ti a. Thiamna inang leh nihna inang ah chuan Mizo, a ram leilung fa lo duhsak tura ngenin, “Non-Teaching Staff ah phei chuan Mizo, a ram leilung fa nilo chu MZU hnuaia hna lo pe tawh lo turin kan ngen che a ni,” an ti a. MZP duh dan anga hnalak hi a kal lo a nih chuan hma an lak nghal zel dawn thu leh, a ram leilung fa Mizo nilo lak an nih chuan an hna an zawm theih loh nan hma an la dawn tih an tarlang bawk.

Comments

Popular posts from this blog

PAN CARD an tih teh fo hi - Laldinpuia