'Mizoram State Inhungbikna Zirchianna hun' MZP buatsaihin Aizawl-ah neih a ni

MZP General Hqrs. buatsaihin nimin khan Aijal Club-ah ‘Mizoram State Inhungbikna Zirchianna hun’ hman a ni a, he hunah hian mithiam pathum (3) te thuziak chu zirho niin MZP President, L. Ramdinliana Renthlei chuan kan State inhungbikna te hi Mizo mipui te hian kan hrechiang tawklo tih sawiin, inzirtir kan mamawh thu a sawi bawk.

Mizoram State Inhungbikna Zirchianna hun-ah hian MZP President, L. Ramdinliana Renthlei chuan Indian Parliament chuan Kashmir mipuiten an hlauhthawn em em \hin, India Danpui-a Jammu & Kashmir State tana hlawkna hrang hrang petu leh an state inhumhimna leh in hungbikna petu, Article 370 leh Article 35(A)-te \hiatin Union Territory pahnih siamin Ladakh leh J&K-ah a \hen tak thu a sawi a. Keini Mizoram State pawh hian India Danpui hnuaiah hian hlawkna hrang hrang min petu leh inhumhimna leh inhungbikna \ha tak, Article 371G leh Inner Line Regulation/Permit (ILP) te kan nei ve tih sawiin, “Heng kan State inhungbikna te hi Mizo mipui te hian kan hrechiang tawklo hle a, chiang lehzuala kan hriat theih nan inzirtirna kan mamawh hle,” a ti. 

Mi \henkhat chuan ‘Mizote hi hlauh kan ngah lutuk a, kan hnam chimral te kan hlau a,hlauh i ngah lutuk lo ang u’ an ti \hin tih pawh sawiin MZP President chuan, hei hi dik viau anga lang, dik si lo a ni, a ti a. “Kan hnam Mizo hi chu a ral lo a ni mai thei a, kan nunphungte, kan tlawmngaihna te, kan hnam kan hmangaih dan hi a ral ve tial tial in a hriat a ni. Hnam tlem kan ni a, kan hnam tan chuan kan thikthu pawh hi kan la tihchhiat tlat reng hi a ngai a ni,” a ti a. Mizoram State inhung-bikna leh inhumhimna chungchang-a inrawnkhawmna in a entir leh inrawnkhawm a ngaihna chuan kan inhungbikna Article 371 G/ILP chu a nghing a ni tih a entir nia a hriat thu pawh a sawi bawk.

He hunah hian Lalkhama, IAS (Retd.) hnen a\angin Article 371G chungchang, T. Lalnun-siama, Legal Adviser, MZP hnen a\angin ILP chungchang leh Central YMA General Secretary, Lalhmachhuana hnen a\ang CAB 2016 chung-chang ngaihthlak niin sawihona neih a ni bawk.

He huna tel te hian Indian Constitution hnuaia Mizoram State inhumhimna/inhungbikna Article 371G leh ILP nuaibo/\hiah tumna a awm a nih chuan nuaibo/\hiah anih loh nan lungrual taka hmalak ho zel \ha an tih thu leh The Citizenship Amendment Bill 2016 chu sawrkar laipui in kaltlangpui a tum anih chuan lungrual taka do ho zel \ha an tih thu te Resolution siamin an pass bawk.