MZP in ‘Mizoram Maintenance of Household Registers Bill 2019’ hman theih an duh

MZP chuan Mizoram Maintenance of Household Registers Bill 2019 chu Mizoram in a mamawh tih hria assent pe thuai turin Mizoram Larsap, Prof. Jagdish Mukhi chu an ngen.
MZP General Hqrs. hian nimin khan Aizawl-ah Executive Committee Meeting neiin dan lova Mizoram-a lutru-a inbengbelte lakah Mizoram a him theih nana hnathawhna tur, Mizoram Maintenance of Household Registers Bill 2019 chu hman theih a nih hun an nghakhlel hle tih an sawi a. Nikum lamah foreigner laka an him nan Assam-in National Register of Citizens (NRC) an hman khan MZP chuan rualawt takin hetiang hi Mizoram-in nei ve ila tiin a lo aupui tawh \hin tih sawiin, kumin-ah Sawrkarin chutiang dan chu siam a tum tak thu leh March ni 19, 2019 khan Mizoram Assembly chuan Mizoram Maintenance of Household Registers Bill, 2019 chu a pass thu an sawi a, amaherawh chu Vawiin thlengin Larsap-in he Bill hi assent a la pe lo chu pawi an tih thu leh mak an tih thu sawiin, Mizoramin a mamawh tih hriaa assent pe thuai turin Mizoram Governor, Prof. Jagdish Mukhi chu an ngen a ni.
MZP chuan Bangladesh a\anga Mizoram-a dan lova lut an tam avang leh ram leh hnam a him loh avangin Mizoram Maintenance of Household Registers Bill, 2019 hi a puitlin hun an nghakhlel takzet tih pawh sawiin, Bill ngaihtuaha buatsaihtu Mizoram Sawrkar chungah leh Assembly House ngaihtuah a nih \uma phur taka thlawptu House Member-te chungah MZP chuan lawmthu sawiin, he Bill hi a puitlina Mizoram-in a hman thuai theih nana ngaihven tur leh Governor pawh assent pe thuai tura ngen turin House member-te chu an ngen a. He dan hi hman a nih chuan khua leh tuite chhinchhiah an nih dawn avangin chhinchhiahnaa lang lo Bangladesh a\anga rawn lutte chu an ramah an kir a ngai anga, khua leh tui chhinchhiah an nih chuan Law and Order kenkawh kawngah leh ram inrelbawlna thil hrang hrangah pawh Mizoramin a hlawkpui dawn bawk avangin he Bill hi ram leh hnam humhalhna tur leh hmasawnna thlen thei turah an ngai tih an sawi bawk.
Hei bakah hian MZP chuan ramri chungchangah MZP in nasa taka hma a lak tawh hnuah pawh tun thlenga Mizoram Sawrkarin hmalakna mumal leh Core Committee pawhin Meeting a la ko lo chu Mizo mipuite leh zirlaite hmuhsitna ah an ngai tih an sawi a. Kumin July 19-a ‘Ram Chhan Kawngzawh’ neih hnuah pawh a taka Mizoram Sawrkar hmalakna hmuh tur la awm lo chu na an ti takzet tih sawiin, “Tuna Mizoram leh Assam ramri chinfel kawngah hian Central Sawrkar auh ei chawp a ngai lo a, inbiakna kal zelah hian Mizoram Sawrkar kuta thutawp a awm a ni” tiin chak taka hma la turin Mizoram Sawrkar chu an ngen nawn leh a, hmalakna mumal a awmlo a nih chuan Total Band huaihawt an rel nghal bawk.

Comments

Popular posts from this blog

PAN CARD an tih teh fo hi - Laldinpuia