Sazuar Association ten an dinchampha lawmna an nei

Serchhip Sazuar Association chuan nimin khan an pawl dinchampha vawi 32-na lawmin hruaitu thlanna an nei.
Serchhip-a Sa talhtu inzawmkhawmna pawl, Serchhip Sazuar Association dinchampha vawi 32-na lawmna Serchhip Hmar Veng YMA Hall-a neih hi an pawl Vice President, F. Lalhmangaihzuala chuan kaihruaiin an pawl Asst. Secretary leh Fin. Secretary te hnen a\angin Report ngaihthlak a ni a, kum kalta chhunga an pawl member boral mi 2 te sunna hun hmangin an Adviser, B. Laikhuma chuan member te fuihna thuchah a sawi bawk.
Chawhnu lamah MJA Serchhip District kaihhruaina hnuaiah kum 2019-2020 chhunga an hruaitu tur thlanna neiin President-ah Mal-sawmthanga, Bazar Hnuai, Vice President-ah F. Lalhmangaihzuala, Chanmari Veng; Secretary-ah Ramluahthanga, Bazar Veng, Asst. Secretary-ah Ramnunmawia, Bazar Hnuai, Treasurer-ah V. Lalhminghlua, Baar Veng leh Fin. Secretary-ah C. Thangdawla, Dinthar Veng te thlan an ni.
Serchhip Sazuar Association-ah hian tun dinhmun ah member mi 117 awmin heng zinga mi 10 te hi hmeichhia an ni a, kumin a an din-champha pual hian Pathianni khan Serchhip-a damdawi In-a awm mi 45 te hnenah Rs. 100/- \heuh an sem a. Kumin chhung khan an Member te pualin Serlui ‘B’ Hydel Project leh Bairabi Rel Station tlawhna hun an siam bawk a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia