Zirlaibu sawihona nei

MZP in Zirlaibu-ah Zo hnam ziarang \hahnem zawk telh a nih theih nana hmalak an lo rel tawh angin nimin khan hemi chungchang hi MZP General Hqrs. hruaitute chuan School Education Minister, Lalchhandama Ralte hovin an sawiho.
School Education Minister Pisa-a he sawihona hunah hian School Education Minister, Lal-chhandama Ralte chuan MZP ten Zirlaibu-ah Zo Hnam ziarang tun aia telh tam a nih theih nana hma an la chu lawmawm a tih thu sawiin, zirlai hruaitu ten kan ram leh hnam tana hetianga rilru an seng chu zirlaite vanneihna a nih thu a sawi a, zirlaibu a kan hnam ziarang a tam thei ang ber a lan chu a duh thu sawiin, hei hi kan ram leh hnam humhalhna kawng atana pawimawh tak pakhat a nih thu leh Zo hnam ziarang kan inzirtirna atana pawimawh tak a nih thu a sawi bawk.
MZP hruaitute hian hemi hmalam hian School Education Secretary, Esther Lalruatkimi hovin hemi chungchang sawihona hi an lo nei tawh a, Education Department thuneitute hnenah hian Zirlaibu-ah Zo-Hnam ziarang hi tun aia tam zawk telh an duh thu te, Mizo chanchin hi kan zir tam a kan zirlai naupangte thinlung ah kan tuh ngheh zual zel hi a ngaih thu te leh kan hnam zia-rang zirlai ten an hriat zel a, kan inthlahchhawn zel a pawimawh thu te an thlen a. Zirlaibu a milem-te pawh Mizo thlalak a tam thei ang ber dah nise an duh thu te, naupang te thinlung-ah kan hnam nunphung hi bet tlat sela an duh thu te sawiin, Zonunzemawi chawisan chu Zo-Hnam tan a pawimawh thu leh a a chhung thu \henkhat pawh siamrem ngai lai thuneitute hnenah hian an thlen nghal bawk a. Education Department lam chuan theihtawpa \angtlang a zirlaibu siam\hat ngai lai siam\hat a nih tur thu te, Zirlaite hmakhua ngaiin MZP nen ke pen ho zel a \hat thu te an sawi bakah MZP rawtna lo en a siam\hat ngai lai siam\hat a nih tur thu te an sawi bawk.

Comments

Popular posts from this blog

PAN CARD an tih teh fo hi - Laldinpuia