I-Day Football Quarter Final lut hriat kim a ni ta

Serchhip District Football Association buatsaih Independence Day Football Tournament chu nimin khan Round of 16 khelh zawh niin naktuk-ah Quarter Final khelh a ni ang.

Serchhip Sports Complex-a Independence Day Football Tournament khelh mekah hian nimin khan Round of 16 khelh chhunzawm leh niin inkhel hmasa berah Hmar Veng FC chuan Chhekhnai FC-II chu 8-1 a sawpin Quarter Final an lut a, Hmar Veng FC tan hian Vanlalruatkima leh C. Lalremruata ten goal hnih ve ve khungin C. Lalrintluanga, Lalchhuanmawia, C. Lalsangliana leh Lalramhluna ten goal khat \heuh an khung a. Inkhel vawihnihna ah Vengchung FC leh New Serchhip North FC inhmachhawnin goal 2 ve ve inpe-a an inhnehtawk hnuah Tie break-ah si thum faiin Vengchung FC te hi an chak bawk.
Nimin a inkhel \um thumna ah Bungpui FC, Hriangtlang chuan FC Serchhip Kawnpui-II chu 6-1 a sawpin Quarter Final an lut bawk a, Bungpui FC tan hian Sanghmingliana chuan hattrick siamin Lalengliana, Lalromawia leh Huntharnghaka te chuan goal khat \heuh an khung a, FC Serchhip Kawnpui-II tan hian Remruatpuia chuan goal khat a khung ve bawk. Round of 16 inkhel hnuhnung berah AWC FC chuan Chhekhnai FC chu 2-1 in an hneh bawk a, Chhekhnai FC hian Zomuanpuia goal thun hmangin hma hruai hmasa mah se AWC FC tan Lalhunthara leh Lalrinzuala ten goal khung lehin hnehna an chang ta a ni.
Heti hian Quarter Final-a intum turte hriat kim theih niin New Serchhip FC leh FC Serchhip Kawnpui an inhmachhawn anga, Chanmari FC leh P&E Veng FC, Hmar Veng FC leh Vengchung FC leh Bungpui FC Hriangtlang leh AWC FC te an inhmachhawn bawk ang.

Comments

Popular posts from this blog

PAN CARD an tih teh fo hi - Laldinpuia