Chhipphir khua in Serchhip District-a awm an duh

Chhipphir khawtlang chuan nimin zing khan Hnahtial District-a rinluh an nih chungchang sawihona neiin Serchhip District-ah awm an duh thu an sawi a, a \ul anga hmalak zui an tum thu an sawi bawk.
Chhipphir khawtlang mipuite hi nimin zing khan an khuaa YMA Zawlbuk-ah kalkhawmin Hnahthial District-a awm an duh leh duhloh chungchang leh an awmduhna District sawihona an nei a, he huna kalkhawm mi 114 a\angin mi 5-in Hnahthial District-a awm an duh a, mi 24 in Lunglei District-a awm zui zel duhin a dang zawngin Serchhip District-a awm an duh a. Serchhip District-a an awm theihna tura a tawp thlenga hmalak an tum thu an sawi zui a ni.
He huna kalkhawmte chuan Resolution passed in Chief Minister in District Boundary chungchang-ah ‘A khaw mipuite duhthlanna dah pawimawh a ni ang’ ti a a lo puan tawh chu, a lo sawi ang ngeiin Serchhip District-ah awm an duhna chu tih hlawhtlin sak ngei se an duh thu te, Chhipphir khua a Sawrkar Department 5 chu Serchhip District a\anga enkawl a nih angin enkawl zui zel an duh thu te, Chhipphir khaw mipuiin Serchhip District-a awm an duhna chu sawrkar in tih hlawhtlin sak ngei se an duh thu leh tih hlawhtlin a nih hma chuan a tawp thlenga hmalak chhunzawm an tum thu te pawh an tarlang a. He Resolution an pass hi tih hlawhtlin a nih theih nana hma latu tur pawh an inruat ngal bawk.                                          

Comments

Popular posts from this blog

PAN CARD an tih teh fo hi - Laldinpuia