Serchhip-ah SSP hawnna nei

Sawrkar laipui in ruahmanna a siam angin Swasth SHG Pariwar (SSP) hawnna chu nimin khan Serchhip-ah District Bawrhsap, Sangchhin Chinzah hova neih niin Swasth SHG Pariwar (SSP) chungchang zirhona neih zui nghal a ni.

Serchhip DC Meeting Room-a Swasth SHG Pariwar (SSP) hawnna hunah hian District Bawrhsap, Sangchhin Chinzah chuan Sawrkar in ram mipuite hmasawnna a ngaih pawimawh thu leh hemi atan hian hriselna kawngah te hma a lak bakah, ram mipuite ham\hatna tur scheme hrang hrang te duangin heng zingah hian Self Health Group (SHG) member te tan ham\hatna dawn tur tam tak a awm thu a sawi a. Damlohna avanga pawisa tam tak kan insen \hinna te chu chhungkaw tam tak min tibuaitu leh retheihna khura min hnuklutu a nih \hin avangin Central Sawrkar in DAY NULM leh AB-PMJAY thawhho theihna tur kawng a hawn thu sawiin, Nutrition Scheme hnuaiah nu naupai mekte tan chaw\ha an dawn theihna tura hmalak mek a nih thu leh naupang hrisel zawk an lo pian zel theihna tur atana hmalak tum ber a nih thu a sawi a. Nu te chu Hriselna ngai pawimawh lehzual tur leh Nu hriselna atan naupai lai a\anga uluk taka in check up \hat a ngaih thu te bakah Naupang hriselna (Child health) chu ram hriselna atana thil pawimawh thu a sawi bawk.

He Scheme hi DAY NULM in a buatsaih niin ni 100 chhunga tihhlawhtlin tur niin hmeichhia te tana buatsaih a ni a. He Scheme Swasth SHG Pariwar hian tum pathum neiin AB-PMAY hnuaia ham\hatna SHG member ten an neih ngei theih nana hma lakpui a, cheng nuai 5 chin damlohna avanga senso Bill theihna te leh damdawi In a inenkawlna man pawisa pek nghal kher ngaih lohna tur a hmalak te, SHG member zinga nu naupai leh nau hnute pelaite tan Poshan Scheme hnuaia ham\hatna dawng tura hmalakpui leh DAY NULM hnuaia SHG leh an chenpui, an chhungte tana Free Health Check Up buatsaih sak te a ni.