Serchhip District-a EVP kalpui dan tur leh Electoral Roll ennawn hna thawh tur sawiho a ni

Nimin khan Serchhip-ah District Level Standing Committee on Electoral Revision chu \hukhawmin ECI in Electors Verification Programme (EVP) thar a rawn duan kalpui dan tur leh Special Summary Revision of Electoral Roll, 2020 kalpui dan tur an sawiho a, Political Party hrang hrangte hnena inhrilhhriatna hun an hmang nghal bawk.

Serchhip District Bawrhsap Pisa-a Serchhip District Level Standing Committee on Electoral Revision \hutkhawm ah hian District Bawrhsap leh District Election Officer ni bawk, Sangchhin Chinzah chuan khua leh tui dik tak ten ram hruaitute an thlan ngei theih nan Election Commission of India chuan nasa takin hma a la reng a, thil \ha zawk leh fel fai zawk a awm theih nan hmalakna thar pawh a duang zel tih a sawi a. Tun \umah pawh hian ECI chuan Elector Verification Programme (EVP) rawn duang tharin, hei hi Elector ten internet kaltlanga Electoral Roll-a an chinchang tarlan a dik leh dikloh an inenfiah mai theihna thil leh diklo a awm chuan awlsam taka siam \hat theihna tur ruahmanna a nih thu a sawi a. Hei bakah hian Electoral Roll Special Summary Revision 2020 neih chhoh turah tlawmngai pawl leh mipuite thawhpuina a sawm bawk.
He \hutkhawm ah hian Election Officer, Vanlalhmachhuana chuan Electors Verification Programme leh Special Summary Revision neih dan tur kimchang sawifiahna hun neiin, EVP-ah hian Electors ten internet kaltlangin Mobile App, Voter Helpline download theih a ni anga, hei bakah hian NVSP portal-ah website-a luhin emaw, Common Service Centre (CSC) kaltlangin emaw, Voter Facilitation Centre-ah te emaw, PwD Electors tan chuan Voter Help Line Number 1950 biakpawhna kaltlangin Electoral Roll-a an hming leh an nihna felhlel awm te an enfiah mai thei dawn a, hei bakah hian siam\hat an duhte chu dilna an siam mai thei dawn a ni. Chung an dilna te chu BLO in a umzui dawn thung a ni.
Hei bakah hian nakum January ni 1-a kum 18 tling chin te lain Electoral Roll Special Sumary Revision chu neih leh a ni dawn bawk a, hemi atan hian ECI chuan October 15, 2019-ah Draft Roll tlangzarh tura rawn ruahmanin sawisel duh leh siam\hat ngai te tan November 30, 2019 thlengin hun hawn nghal a ni anga, hemi hun chhung hian Special Campaign kalpui a ni bawk ang. Sawisel duh leh siam\hat ngaia dilna lutte chu December 15, 2019 ralhmaa chinfel vek tur a ni anga, December 25, 2019 hmain Final Publication phalna neih hman tur a ni anga, December 31, 2019-ah Final Roll chu Data base-ah dahchhuah a ni anga, nakum January ni 1 a\anga ni 15 inkarah Final Publication neiin January 25-a National Voters Day-ah Elector tharte hnenah EPIC thar hlanna hunte pawh buatsaih leh tur a nih thu te he hunah hian tarlan a ni bawk.

Comments

  1. "Dan lova vawk lakluh man "tih 21August 2019 a tih chhuah kha Sailulak atanga lakluh a ni lo.
    Sailulak hi Khawzawl district a ni lo bawk,Serchhip district zawk a ni e.
    Khawngaiha Post siam tha leh turin Zalen editorial board te kan ngen e.
    From Sailulak

    ReplyDelete
  2. Min lo hrethiam ula.
    Zalen ni lovin Lenkawl.

    ReplyDelete

Post a Comment

Popular posts from this blog

PAN CARD an tih teh fo hi - Laldinpuia