Latest News

Mizoram-a hmasawnna rotling reng reng Congress sawrkar siam deuh vek a ni - Lal Thanhawla

MPCC President, Lal Thanhawla chuan Mizorama hmasawnna rotling, chhuan lo awm lehzel turte tana chhenfakawm reng reng chu Congress sawrkar hnathawh deuh vek a nih thu a sawi.
Mizoram Pradesh Congress Committee (MPCC) in nimin a Aizawl Congress Bhavan-a Friday Political Session an neih ah an President, Lal Thanhawla hian thu sawiin he thu hi a sawi a, Mizoram-a Rel kawng, Bairabi thleng lut tawh, Sairang a lut tura hna thawh mek chu Congress sawrkar hnathawh vek a ni tih sawiin, Kawrpuichhuah thlenga Rel kawng kalna tur Survey leh Investigation pawh zawhfel leh vek a ni tawh tih a sawi a. Asia chhim chhak ramte nena inkalpawhna tur, Kaladan Multi Modal Transit Transport Project-te, Medical College-te, zirna In \ha zawng zawngte pawh Congress sawrkar hnathawh rah an ni vek tih a sawi a. “Pu Zoramthanga’n pawisa luanglut a, luangchhuak leh zur zur a sawi laiin Mizoram sawrkar a Treasury hrang hrangte chuan sawrkar hnathawk hlawh bak an pechhuak thei tawh lo a, Contractor Bill pawh an pe thei lo a, sum enkawl an thiam loh avangin an talbuai mek a ni,” a ti a. “Congress party hi kan zam lo a, chak takin, lungrual takin kan kal tur a ni. Midangte tana malsawmna kan nih \hin avangin Pathian in vawi 5 min sawrkar tir tawh a, a vawi 6-na tur kan nghak mek a ni,” a ti bawk.
He hunah hian MPCC Treasurer, Zodintluanga pawhin thu sawiin, “Pu Lal Thanhawla hian vision mai ni lovin tum fel tak a nei \hin a. A thil tum remna leh muanna a ti hlawhtling a, mi tam takte eizawnna siamsaktu NLUP a ti hlawhtling a, inchung nei \halo te tan rangva a sem a, kawlphetha lama kan intodelh theih nana Tuirial Hydel Project, Pu Zoramthanga te chhungkua in sum siam nana an hman avanga hlawhchham lailet der tawh pawh tuaitharin a tihlawhtling leh vek a ni” a ti. Zodintluanga chuan Referral Hospital siamna tur bul \an tawh, MNF sawrkarin kum 10 chhunga Vawk leh Ar vulh nana a hman Lal Thanhawla chuan kum 10 hnuah ti hlawhtlingin, Medical College hial a din thei tih sawiin, “Aizawl Water Supply Scheme Phase-II te, Lunglei Greater Water Supply Scheme leh hmun hrang hranga tuilakte, International leh National level thlenga Medal la thei khawpa sports lama hmasawnna zawng zawngte pawh Pu Lal Thanhawla thil tum, a tihhlawhtlin vek a ni,” a ti a. “Vision nei \ha ti a a nauten an sawi \hin Pu Zoramthanga hian a vision an sawite zingah hian eng nge a tihhlawhtlin tawh, tih hi ka zawhna a ni,” a ti bawk.

Comments

Popular News (Last 30 Days)