Hnam Sipai China a ke-a kal te pualin 'Meet the Heroes: Peace Pays' khawmpui neih a ni

Mizote zalenna sual laia nunna thapa Arakan a\anga China thleng ke-a kal hnam sipaite chawimawina leh ram leh hnam tana hma an lo laknate pholanna, 'Meet the Heroes: Peace Pays' inkhawmpui chu nimin khan Aizawl-a Vanapa Hall-ah neih a ni a, Chief Minister, Zoramthanga chuan khuallian niin a hmanpui.

Tourism Department, Ministry of Tribal Affairs leh NEC \angkawp buatsaih 'Meet the Heroes: Peace Pays' ah hian zalenna suala China-a kalte - hmahruaia kawng lo sattu mi 4 te bakah Mizo Hnam Sipai China a ke-a kal la dam mi 77 leh mualliam tawh mi 61 te chu chawimawina hlan a ni a. He hunah hian Chief Minister hlui, Laldenga; Chief Minister Zoramthanga, Lalhmingthanga leh Lalthangliana Philip te hnenah China kal tura sulsu-a hma an lo lawk tawhna avangin chawimawina pek an ni bawk. China-ah hian thawh hnihin Hnam sipaite hi ke a kalin training te neiin ralthuam te an han la a, ke vekin an lo haw a ni. Nimin a he hun hmanna ah hian Chief Minister, Zoramthanga chuan chinchhuakin rammut laia zalenna suala hma lo lak tawh dan te leh remna leh muanna hlutzia a sawi a. He programme an siam chu \hangthar ten Mizo history a thilthleng pawimawh tak an hriatzau theihna ni se tiin ram hmangaihna kawnga Mizo mipuite an harhtharna nise a duh thu a sawi bawk.
He hun kaihruaitu Tourism Minister, Robert Romawia Royte chuan \halai tam tak ten hnam mi huaisen te an hmelhriat a, an tumruhna leh an huaisenzia te hi hrechhuak thar leh turin kalkhawmte a sawm a. Khual zahawm Deputy Chief Minister, Tawnluia’n thuchah a siam chu video kaltlanga tihchhuah, hetah hian hnam zalenna suala rammu zinga Mizo Hnam Sipaite chawimawina leh hriatrengna programme siam a ni chu lawmawm a tih thu leh, zalenna atana an inpekna hlutzia leh sawrkar pawhin a ngaihthah miahloh thu a sawi bawk.
Nimin a he hun buatsaih ah hian lehkhabu pahnih – 'The Valarous Walk to China' tih leh 'Expedition to China' tih chu Chief Minister hian a tlangzarh nghal a. Heng lehkhabu te hi Hnam Sipai te China kal behchhana an thil tawn hrang hrangte tarlanna a ni.
Nimin a he hun hman ah hian China-a kal hmasa, Delegation te aiawhin Thangruma leh a hnua kal, Contingent aiawhin Lalhmingthanga te hnen a\angin thusawi ngaihthlak a ni bawk a. Esther Lal Ruatkimi, Commissioner & Secretary, Tourism chuan lawmthu sawiin hun a khar a ni. Nimin a he hun hmanna ah hian Mizoram sawrkar-a mi pawimawh \hahnem tak an tel a ni.

Comments

Popular posts from this blog

PAN CARD an tih teh fo hi - Laldinpuia