Mizoram in a tharchhuah ve theih ngei thlai leh thildang a intodelh hi rilru-ah a lian - Agriculture Minister

Loneitute thawhchhuah a let a tihpun chungchanga inhrilhhriatna leh inzirtirna leh hemi atana \ul, hmanrua leh thlai chi \ha semna hun chu nimin khan Agriculture Minister, R. Lalrinsanga chuan hmanpuiin, Phai a\anga thlai lo lut, Mizoram in a tharchhuah ve theih ngei thlai leh thildangte a intodelh chu a rilruah a lian hle tih a sawi.

Krishi Vigyan Kendra, Central Agricultural University (CAU), Selesih-a he hun hmanna ah hian Agriculture Minister chuan Prime Minister in 2016 a ngaihtuah chhuah, kum 2022-a loneitute tharchhuah a let a tihpun ‘Doubling of Farmers’ Income - 2022’ chu Scheme \ha tak, loneitute hmakhua ngaihtuah chunga duan nia a hriat thu sawiin, hemi tihhlawhtlin kawnga loneituten KVK te thiamna chhawr \angkai thiam a \ul thu a sawi a. Phai a\anga thlai lolut, Mizoram in a tharchhuah ve theih ngei thlai leh thildangte a intodelh chu a rilruah a lian hle tih sawiin, “Kan choka a min chenchilh \hin – Buhfai, Tel, Dal, Alu, Purun leh Aieng te hi an mikhual rei tawh a, hengte hi keimahni ngeiin tharchhuah tama, intodelh a \ul a, chumi atan chuan theihtawpa kan thawh leh \anho a ngai a, a bul\an nan Arhar Dal chin \an a ni tawh a, Tel siam nan Chhawhchhi chi khat, Chhipui chin pun \an mek a ni,” a ti a. Heng hmalakna atan Agriculture Department chu thuam mam mekin hmasawnna rahbi thar a rap chho mek niin a sawi bawk.

Agriculture Minister chuan Mizoramin tual\o thlai a neih ang ‘indigenous variety’ te chu midang min chuh loh nan dan ang thlapa a neitu nihna neih ‘patenting’ a pawimawh tih sawiin, hemi kawng ah pawh Department in hma a lak mek thu a sawi bawk.

Tunhnaia Vaimim leh thlai dang tichhetu, Fallarmy Worm in Mizoram leh loneitute a tih-buai thu pawh sawi langin Minister chuan, a tirah amah ngei pawhin he thil hi a huphurh hle tih a sawi a,amaherawh chu Pathian thil tihtheihna leh mithiamte thawhpuina zarah \ha taka kan hmachhawn thei chu lawmawm a tih thu a sawi bawk.

Nimin a he hun hmanna ah hian Agriculture Minister chuan Muthi, Durtlang, Sihphir leh Selesih-a loneitute hnenah Litchi \ha chi (Mu-zaffarpur variety), Tomato leh Zikhlum chi \ha leh lei lehna leh hmanraw dang, KVK in a pek te chu a hlan bawk.