H&TE Minister in Law College-ah hun hmanpui

Govt. Mizoram Law College chuan nimin khan an zirlai pass chhuak thar te thlahna leh an zirlai tharte lawmna hun hmangin Higher & Technical Education Minister, Dr. R. Lalthangliana chuan a hmanpui.

He hunah hian H&TE Minister chuan he College a\anga Law Graduate thar te chu a thiam ber, a \ha ber emaw, a nawlpui aia \ha zawk tal nih tum turin a chah a. Mizo Law Graduate te tan High Court-a practice leh Judge anga luh bakah Supreme Court-a tam zawk Practice leh Supreme Court Judge hna te chu an hmabak la hlen tur a nih thu a sawi bawk. Mizoram Law College hi August 25, 1983 khan ‘Aizawl Law College’ tia din a ni a, tunah hian Mizoram-a Law College awmchhun niin zirtirtu thawk nghet 8 leh a nghetlo-a thawk 5 awm mekin zirlai 167 an awm mek a ni. A din tirh a\anga tun thlengin mi 507 te chuan he College a\ang hian Law Degree an nei tawh a, College building leh Hostel bakah Dan lam zirna lehkhabu 12,773 awmna, Library changtlung tak an nei bawk a ni.