ZPM |halai ten thil diklo inthup awm ah ngai

ZPM |halaite chuan Sawrkar Flagship Prog-ramme pawimawh tak tur nia Chief Minister-in a sawi, a changtu tur ber leh engkim hre ber tura ngaih Horticulture Department lamin an hre miah lo chu thil diklo inthup awm ngei nia an ngaih thu an sawi.
Nimin a thuchhuah an siamah ZPM |halaite chuan Mizoram rorelna sang ber Assembly House-ah Chief Minister, Zoramthanga ngeiin kan ram khaichhuahna tura a ruahman, Raw chi \ha chi lakluh anih tur thu leh, a chi rawn supply tu tur pawh mimal taka a hmelhriat niin, thlatin a \iak nuai khat an rawn thawn ziah theih thu pawh a sawi lang nghe nghe tih an tarlang a. Hemi chungchangah hian RTI hmanga zawhna chu a changtu tura ngaih Horticulture Department lam chuan Raw chi a lo thlen thu an hre lova, supply turin Tender pawh chhuah a ni lo tih an sawi tih an tarlang a.
Thil chiang zawk hriat tuma ZPM Secretary rual ten Lengte huan-a Raw \iak khawina (Hardening plant farm) an tlawh \um chuan July thla khan mau/rua \iak hi 3000 a lo thleng a, August thlaah \iak 10000 a thlen belh bawk tih huan enkawltu te chuan an lo hrilhin, zing karah Chief Minister chuan a tlawh zeuh \hin thu leh a fapa in a tlawh \hin thu an lo hrilh tih an tarlang.
ZPM |halaite chuan mirethei te khai-chhuahna tur leh Sawrkar Flagship Programme pawimawh tak tur nia Chief Minister-in a sawi, a changtu tur ber leh engkim hre ber tura ngaih Horticulture Department lamin an hre miah lo hi thil diklo inthup awm ngeiin an ngai tih an sawi a, thudik tak hriat hi mipui te chanvo anih anga Zoram mipui hmaa insawifiah turin a changtu Minister chu an phut thu leh, Mizoram State sum mi tlemte thiltithei kutah a luangral loh nan leh, kuthnathawktute hnen a thlen ngei theih nan theih-tawp an chhuah zel dawn tih an tarlang bawk.

Comments

Popular posts from this blog

PAN CARD an tih teh fo hi - Laldinpuia