Mipui beisei awmchhun ZPM niin sawi

Aizawl South-II bialtu MLA, Lalchhuanthanga chuan kan ram dinhmun thlirin kawng hrang hrangin mipui rilru a beidawng tawh nia sawiin, ZPM chu Zoram mipui beisei awmchhun leh innghahna a nih thu a sawi.
Nimin-a ZPM in Aizawl-a an Office-a Chhung Inkhawm an buatsaih ah Aizawl South-II bialtu MLA, Lalchhuanthanga hian thu sawiin Tling tûra kan duh ni lo, tling tûra kan rinte hnêna vote kan pêk fo chhan chu a dawhthleng \ha ni tûra inpeih et awt political party kan la neih loh vang a ni tih sawiin, “Hun kal tawha kan sawrkar hrawnte leh vawiin thlenga kan hrawn mêk ten ram leh hnam an kalpui dân enin, mi tam takte rilru-ah thil \ha chhuak tûr awm chuang lova hriatna lian tak a awm a ni,” a ti.
Mizoram mipui beidawn zia lan chianna ber chu ZPM-in MLA 8 an lak dânah khan a lang tih sawiin, “Pawl infawmkhawm chawp, MLA candidate tûr pawh chawplehchilh taka inruat chûk chûk kan ni a. Hmun tam zawkah phei chuan kan campaign hman lo a nih kha. Mipui rin hlawh chhuak tûrin kan bei hman lo. Chuti chunga Bial 8 lai kan lak theih chhan kha Congress leh MNF Party-ah mipui an beidawng a ni tih a lang,” tiin “Mipui beisei ngam khawpin lo inhlawmkhawm hma deuh ila chuan sawrkar-na pawh min pêk hial a rinawm,” a ti. Hei bakah hian Zoram mipuiin kalphung thar hmuh an duh tawh tih sawiin, ZPM chu a chhe lai siam \hatu ni tûra Zoram mipuite beisei awmchhun a nih avangin ZPM-a beiseina nghattu mipuite chu an tibeidawng dawn lo tih a sawi a. “Ram leh hnam himna leh \hatna ngaihtuahtu zawng zawngte ZPM Puan In zau takah lo lawi lût zêl tûrin thinlung takin ka sawm a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia