Kamalanagar-ah Chakma Black Day hman a ni

Inrinni khan Chakma Autonomous District Council (CADC) hmunpui, Kamalanagar-ah Chakma Black Day hman a ni.

Chakma National Council of India Mizoram State Committee huaihawta he ni hmanna ah hian zirlai bakah Chakma pawl hrang hrang leh CADC thawktute an tel a. He Ni hi kum 1947-a Chakma ten an chenna a an chhal, Chittagong Hill Tracts, Pakistan kuta Bengal Boundary Commission in a dah duhlohna leh hemi avanga Chakma mi leh sa ten tih duhdahna nasa tak an tawrh duhlohzia lantir nan an hmang \hin a, Mizoram-ah chuan tun \um hi \um 4 an hmanna niin kalkhawmte hian Badge dum an bel a ni.

Chakma te hian kum 70 lai liamta a diklo taka an chunga rorel anih avangin an chenna hmun an chan a, British India sawrkar hunlai a kum 1900 chho a Chittagong Hill Tracts leh Lushai Hills, Mizoram chhim lam zawm anih avangin Chakma te chu Mizoram-ah hnam dang anga enin, an thlahtute awmna ah ngei enhran an ni ta niin an sawi a ni.