Mizoram-a Ar vulhtu ten harsatna an tawk; Serchhip-ah Ar vulhtu ten Ar an ser dawn

Nimin khan All Mizoram Farmer Association (AMPFA) chuan thuthar thehdarhtute kawmin, Mizoram-a Ar vulha eizawng mek ten harsatna an tawh mek thu leh an Ar lian hralh rual tawh tam tak chu hralh hleih theih lohvin a bawk \hup niin an sawi.

Thuthar thehdarhtute an kawmna hunah hian AMPEA Gen. Secretary, Zahmingliana chuan \henawm state, a bikin Assam a Ar chu tuten emaw lalutin, puahsa (dressed)-in Mizoram hmun hrang hrangah an thawndarh \hin a, heng Ar puahsa te hi sa hrisel leh thianghlim a nih leh nih loh pawh hriat a ni lova. Tualchhung Ar vulhtute Ar ai erawh chuan a thar tawklo hle tih erawh a hriat hle niin a sawi a. Phai Ar laluta puahsaa thawndarh leh \hinte avanga harsatna an tawh mek laia, Ar puah tur Assam a\anga a la rawn lut reng chu an harsatna niin, an harsatna tawh hi sawrkar in hriatpuiin hma laksakpui se an duhthu a sawi a. Mi \henkhat Ar vulh ve lem lo, puah atana Assam a\anga Ar lalut \hinte avang hian Mizoram chhung ngeia Ar vulhtute dinhmun hi a him loh thu leh hetiang ringawt hi an kalphung a nih dawn chuan chhungkaw tam takin eizawn nana hman mek Ar vulh chu eizawnna tlak lovah a chhuak thuai dawn tih an sawi a, an dinhmun chu sawrkar in ngaihtuah vat se an duh thu a sawi bawk.

Hetihlai hian Serchhip Ar Vulh Association (SAVA) chuan naktuk, Aug. 10, 2019 hian Serchhip Bazar-ah Ar ser an tum thu thuchhuah siama tarlangin, Arsa hi Association Member te Ar vulh Kg. 1 Rs.180/- a lei sakin Rs. 230/- a zawr/hralh tur a nih thu an tarlang a. Hetianga tih lo ngai ta chu pawi an tih thu leh hrehawm pawh an ti hle tih sawiin, Arsa sattu te hian Ar vulhtute Ar hi rate siam sakin Kg. 3 leh a chanve chin chunglam chu Kg. ah Rs.170/- a lei sakin Kg 3 leh a chanve hnuailam chu Kg. ah Rs. 160/- leh a hnuailamin an lak sak tih an sawi a. July 6, 2019 a SAVA Assembly chuan Ar pum an hralhna rate hi a lian leh a te sawi lovin Kg.1 Rs.180/- ni tawh rawh se tia an rel thu leh Arsa sat hovin Rs.180/- a an lak/lei sak duh tak loh vanga Arsa hi Association hminga ser an tum tak thu an sawi a. Ar vulha eizawng te chu mi rethei te te leh tar chak lo zawk te niin Ar note man sang zel leh a chaw man to chhoh zel tak avang hian Ar vulhtute dinhmun hriatpuia an Arsa zawrh/ser tur hi lei saka dawr \heuh turin Serchhip mipuite an ngen tih an thuchhuah ah chuan an tarlang bawk.