ILP fello dapchhuah hna thawk

Nizan hmasa khan Central YMA leh Mizoram Police te chuan dan lova hnamdang awm te dap-chhuah hna an thawk a, Mizoram pumah ILP fello nia hriat mi 1198 te chu hruaikhawm an ni.
Nizan hmasa a ILP enfiahna ah hian Aizawl District chhunga Police Station 9-ah ILP fello nia hriat mi 858 zet hruaikhawm an ni a, Lunglei District-a Police Station 5 a\angin mi 42 hruai-khawm niin Kolasib District-ah mi 132, Champhai District-ah mi 27 leh Mamit District-ah mi 38 hruaikhawm an ni bawk.
Serchhip District chhungah pawh Police te kaihhruaina hnuaiah ILP enfiah hna hi thawh niin ILP fello nia hriat mi 42 hruai an ni a, heng zingah hian ILP buaipui mek nia insawi te chu a finfiahna lak tir an nih hnuah mi 36 te chu Police te hian Court-ah an hruai a, heng mite hi The Bengal Eastern Frontier Regulation Act hnuaia Sec 3 leh 4 hnuaiah thubuai siam sak an ni a, Section 3 hi ILP fello te hremna niin mi 27 thubuai siam sak an ni a, Section 4 hi ILP nei, an hnathawhna tur hmun ni lo a thawk (ILP hmang diklo) te hremna niin hemi hnuaiah hian mi 9 thubuai siam sak an ni bawk.
Thenzawl Police Station huamchhungah pawh ILP enfiah hna hi Police te nen \angtlanga neih a ni a, ILP fello nia hriat mi 52 khawm an ni a, amaherawh chu heng te hi ILP buaipui lai te an nih avangin dan bawhchhiat avanga thubuai siam sak erawh an awm ta lo thung. North Van-laiphai-ah pawh niminpiah tlai khan Police ten ILP enfiah hna hi thawkin ILP fello man an awmlo bawk a ni.

Comments

Popular posts from this blog

PAN CARD an tih teh fo hi - Laldinpuia