Serchhip-ah National Deworming Day hman a ni

National Deworming Day (NDD) pualin nimin khan Serchhip-a naupang kum khat a\anga kum 19 inkarte hnenah Rulhut hlo pek beihpui thlak a ni.
Serchhip District Level Co-ordination Committee on National Deworming Day in ruahmanna an lo siam tawh angin National Deworming Day pual hian Serchhip-ah chuan Angan-wadi Centre thlanbik ah District Level Co-ordination Committee buatsaihin he Ni hi hman a ni a, he hunah hian Health Department a\anga mithiam tel ten Rulhut pai avanga mihring taksa in a tawrh theih dan leh mihring kan nih dan tur ang te kan nih phak \hin loh dan te tarlangin, naupang kum 1 a\anga kum 19 thleng te chu Rulhut hlo hi ei vek tura hmalak a nih tur thu an sawi a. Hemi hnu hian naupangte hnenah Rulhut hlo hi pek nghal an ni bawk.
Heng Anganwadi Centre thlanbik-a hun hman a nih bakah hian zirna In hrang hrangah te pawh School Edcuation Department nen \angkawpin Rulhut hlo ei a ni bawk a, heng Rulhut hlo eina hun buatsaiha ei ve lo leh School kal ve tawhlo te chu ASHA leh Health Worker ten an In ah te kalchilhin ei tir leh vek tura ruahman a ni bawk.
National Deworming Day hi kum 2015-ah India ram State 11-ah hman \an a ni a, kum 2016 a\angin India ram pumah hman niin, kum khatah vawi hnih, February leh August-ah te hman \hin a ni. National Deworming Day-ah hian naupang leh tleirawl, kum 1-19 inkar te hnenah a thlawnin Rulhut Hlo (Albendazole) eitir \hin niin School leh Anganwadi Centre-ah te eitir \hin an ni. Naupang leh tleiawl kum 1-19 inkar ten kim taka rulhut hlo an ei thei nan Mop Up Day chu August Ni 16-ah neih leh tur a ni.
National Deworming Day hi Mizoram District hrang hrangah pawh hman a ni bawk a, Aizawl-ah chuan Health Minister, Dr. R. Lal-thangliana hovin he Ni hi hman a ni.

Comments

Popular posts from this blog

PAN CARD an tih teh fo hi - Laldinpuia