Electoral Roll ennawn hna thawk leh dawn

Electoral Roll hman mek chu ennawn a ni leh dawn hnai a, hemi chungchang hi nimin khan Mizoram CEO, Ashish Kundra IAS chuan Poliical Party hrang hrangte a sawipui.

Mizoram CEO Pisa-a he sawihona hunah hian CEO, Ashish Kundrachuan Election Commission of India (ECI) in a phut angin Electoral Roll ennawnna hna hi Vawiin, August 1, 2019 a\anga \an tur a nih thu sawiin, kum 18 tling thar Electoral Roll-a telh belh turte leh paih ngaite bakah thildang vanga siam\hat ngaite chu hemi chhung hian ennawna \ha taka kalpui tum a ni, a ti. Electors Verification Programme (EVP) hmanga Pre-Revision a bul \an anih tur thu te, NGO leh Political party te nen thawhhona \ha neih a ngaih tur thu te sawiin, Party aiawh te chu Electoral Roll ennawn kawngah a \ul apianga thawktute lo \awiawm turin a ngen nghal bawk a ni.

Electoral Roll ennawnna turah hian Pre-Revision hi August 1, 2019 a\anga August 31 thleng neih a ni anga, hemi chhung hian voter ten Voter Helpline Mobile app, NVSP Portal emaw, Common Service Centre (CSS) kaltlangin Electoral Roll-ah mahni inendikna hun neih a ni ang. September 1, 2019 a\anga Sept. 30, 2019 chhungin House-to-House Verification chu BLO ten an kalpui anga, Electoral Roll-a telh belh, paih leh siam\hat ngaite chhinchhiah hna thawkin Integrated Draft Electoral Roll chu October 15, 2019 a tihchhuah hman beisei a ni a, nakum January ni 1 a\anga ni 15 chhung hian ECI in hun a ruat dan a zirin Electoral Roll Final thar chu tarchhuah a ni ang.