Nikum-a vanduai New Serchhip FC te an champion

Independence Day Football Tournament chu nimin tlai khan khelh zawh niin New Serchhip FC chuan Hmar Veng FC chu 2-1 a hnehin an champion.

Serchhip District Football Association buatsaih Serchhip Sports Complex-a Independence Day Football Tournament-ah hian nimin chawhnu khan Final khelh niin New Serchhip FC leh Hmar Veng FC te an inhmachhawn a, he inkhel ah hian hun chanve hma lam minute 17-na ah New Serchhip FC hian H. Vanlalremruata goal khung hmangin hma an hruai a, hei hi an chakpui mai dawn emaw tih hnu minute 79-na ah Serchhip a\anga MPL khel hmasa te zing ami G. Tlanghmingthanga chuan Hmar Veng FC tan goal khungin 1-1 a ni a, amaherawh chu minute 90-na ah New Serchhip FC hian an goal hmasa khungtu H. Vanlalremruata goal thun hmanga hma hruai lehin Hmar Veng FC in an sut theih tak loh avangin nikum-a Final-a Vengchung FC laka Penalty Shoot-out-a tlawm New Serchhip FC in 2-1 in hnehna an chang ta a ni.
Independence Day Football Tournament-ah hian G Tlanghmingthanga, Hmar Veng  FC chu Best Player atan thlan niin goal 9 khungtu, Lalrinzuala, FC Serchhip Kawnpui chu Top Scorer a ni a. New Serchhip FC hian Fair Play Team lawmman an dawng bawk a, Serchhip Addl. DC, Chuauhnuna chuan lawmman a sem a ni.
Kumin a Independence Day Football Tournament-ah hian Division \hen awm lovin SDFA hnuaia Affiliated Club a duh apiang tel theih niin Team 22 an tel a, match 35 khelh niin goal 184 a lut a, Yellow Card 87 leh Red Card 9 phawrh a ni bawk.
Hmar Veng FC Fans fakawm : Nimin a Final khelh hi entu an tam hle a, Hmar Veng FC Fans te hian awmze nei taka an Team te au phurin \awngkam leh chetzia thlengin an Team an \anna nasa takin an lantir a, hemi hmang hian goal pawh an hlawhchhuak tih theih a ni ang. Hetiang taka Fans te chet dan mawi leh awmze nei-a chetphung lantir hi Serchhip-ah ala awm ngailo niin a lang.

Comments

Popular posts from this blog

PAN CARD an tih teh fo hi - Laldinpuia