Mizoram-ah ASF vei Vawk hmuh ala ni lo, Myanmar a\anga Vawk lakluh a him lo - AH& Vety

Asia khawchhak lama Vawk natna leng mek African Swine Fever (ASF) chuan Mizoram a la thleng lo nia hriat a ni a, \henawm Myanmar-ah he natna hi hmuh a nih tawh avangin Mizoram pawh he natna hi thleng thei reng a ni tih AH & Vety thawktute chuan sawiin, hei vang hian Myanmar a\anga Vawk lakluh chu a him tawhlo niin an sawi.

AH&Vety Department thawktu te chuan Myanmar-a Shan State-ah African Swine Fever (ASF) vei Vawk hmuh an nih avangin Mizoram tan fimkhur a ngai hle tih sawiin, Myanmar nena inkalpawhna hmun Champhai, Sangau leh Siaha lamah te uluk lehzualin beng an chhi tih an sawi a. Hetihlai hian he natna vei tak hi chu Mizoram-ah hmuh an la nei lo niin an sawi. Vety Department-a thawktu te chuan African Swine Fever chu a hlauhawm em avangin ramdang a\anga Vawk lakluh chu khap bur an duh a, a ruka Vawk la lut an awm a nih pawhin an Vawk chu tihhlum nghal zel nise an duh hle tih sawiin, Mizoram-ah he natna hi a \aidarh chuan kan tuar hle dawn niin an sawi a. Myanmar ram, Shan state-ah hian  August 14, 2019 khan vawk 65 chuan ASF an vei tih finfiah a nih hnuah tihhlum nghal an ni.
African Swine Fever (ASF) chu Vawk mai ni lo, mihring pawhin an pu darh thei nia sawiin, fimkhur a ngai hle tih an sawi a. Vawk hrileng a awmin Vawk suat turin Central-in compensation a pek theih a tlem em avangin hmalak a harsa tih an sawi a, Central norms ang chuan zangna-dawmna hi Vawkte-ah Rs. 250, thla 6 chinah Rs. 500 leh vawk puitlingah Rs. 1000 te an ni.
Myanmari-a Vawk te zinga African Swine Fever (ASF) natna vei hmuhchhuah an awm chungchangah Dr. Lalnuntluanga Colney, Joint Director (Livestock Health) chuan ASF vei Vawk Mizoram-ah hmuh la nilo mahse, kan \henawm maiah hmuh a nih tawh avangin invenna lamah \an kan lak a ngai hle tih sawiin, ASF chu a enkawlna damdawi awm lo anih vangin a control dan \ha ber chu he natna vei Vawk te chu suat rem a ni tih a sawi a. Tun dinhmunah ASF hian \henawm Myanmar, Shan state a tuam thleng tawh a, a darh chak em em a, he natna hrik hian China ram pumpui tuam turin ni 22 bawrvel chuah hun a mamawh tih a sawi bawk.
Myanmar rama African Swine Fever a lên thu hi World Organization for Animal Health chuan August 14, 2019 khan a lo puang tawh a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia