Khawpui fai ber ni tura hmalak dan tur Serchhip-ah Bawrhsap hovin sawiho a ni


Serchhip District Sanitation Task Force chu nimin khan Serchhip DC’s Meeting Hall-ah \hukhawmin Mizoram khawpui fai inelna neih tura khawpui fai ber lawmman lak ngei theihna tura beihpuithlak an rel a. Serchhip in khawpui fai ber lawmman a lak theihna tura hmalakna tur hrang hrang ruahman a ni.


Nimin a Serchhip District Sanitation Task Force \hutkhawm hi an Chairman, Serchhip District Bawrhsap Sangchhin Chinzah chuan kaihruaiin Bawrhsap chuan nikum hmasa a khawpui fai inelna, inelna hmasa berah dinhmun hnuai takah kan awm tih sawiin, amaherawh chu nasa taka \an lain nikumah erawh chuan pahnihna kan ni ta hial tih a sawi a. Nikum-a hma kan lak dan chu mipuite zawng zawng hriat a nih thu sawiin, hemi a\anga hma kan sawnna turin tum pakhat chauh kan neih theih thu leh chu chu pakhatna nih a nih thu a sawi a. Serchhip khawpuia cheng khua leh tui zawng zawngte chu kum 2019 khawpui fai inelna neih chhoh meka pakhatna ni ngei tura inbuatsaiha, \an la \heuh turin a sawm a. “Serchhip neitu dik tak chu a chhunga cheng mipuite kan ni a, YMA, Village Councils leh Kohhran te chu hmalakna kawnga mi pawimawh an ni, an niin theihtawp an chhuah chuan pakhatna kan ni ngei ang,” tiin District Sanitation Task Force a\anga tih theih an neih apiang an tih zel tur thu a sawi bawk.
He \hutkhawm ah hian Serchhip District Sanitation Task Force Member Secretary, Vanthangpuii, DODU chuan khawpui fai inelnaa endiktute tehna tur duansa sawifiahin chumi huang chhunga Serchhip-a DUDO leh YMA, YMA Chhang, Kohhran, VC, zirna In, Adventure Club leh pawl hrang hrangte nena \angruala hma an lo lak tawhna te a sawifiah nghal a, hmalak a la ngaihna pawimawh zualte pawh a tarlang nghal bawk. Hmalak belh a la \ulna langsar zual chu Solid Waste Management huanga bawlhhlawh \awih thei, \awih theilo leh bawlhhlawh hlauhawm (hazardous) te thliar hran chungchang (Three bin System) a ni a. Committee chuan, Three Bin System hi Serchhip khawpui huamchhunga Village Council tinah Pilot Project anga a bul\an nana kalpui nghal a rel a. Local tinah chhungkaw thlan bik engemawzat ten Village Council te nena \angrualin Bawlhhlawh Bawm pathum hman an \an nghal dawn a ni. Heng bakah hian hmalakna tur hmabak tlem azawng la awm te pawh chhunzawm nghal tura rel a ni a, faina lama beihpui thlakna, mi la tih ngailoh thil thar tih tur engemawzat duan nghal a ni bawk.
Mizoram Khawpui fai inelna hi chi thum (3)-ah \hen niin Category I-ah Khawpui zawng zawng inelna (overall), Category II-ah District khawpui inelna (District Capitals) leh Category III-ah khawpui dang (Other Town) inelna a awm a, Serchhip khawpui hi Category I leh II huangah a tel anga, N. Vanlaiphai leh Thenzawl te chu Category I leh III-ah an tel thei thung ang. Khawpui inel te hi endiktu ten Sept. 1-20, 2019 inkarah an endik tura ngaih a ni.

Comments

Popular posts from this blog

PAN CARD an tih teh fo hi - Laldinpuia