YMA ruihhlo man halral

Excise & Narcotics Minister Dr. K. Bei-chhua chuan Vairengte Joint YMA hmalakna a ruihhlo chi hrang hrang halralna hun nimin khan Vairengte Joint YMA Playground-ah a hmanpui a, heng an ruihhlo halral te hi Heroin No. 4 cap 226, NAP Strip 110, Alprozolam strip 15 bakah Sap zu um 268, beer can 54, rakzu leh Ganja bakah Dawidim te niin a vaiin Rs. 14,93,362/- hu zet a ni.
He hunah hian Excise Minister chuan Mizote hmelma lian tak ruihhlo tawlhruk ching te tan Mizoram-ah hmun a awmlo tih sawiin, ruihhlo dona kawngah Sawrkar chu theihtawp chhuahpui turin mipuite a sawm tih a sawi a. Mizo \halai tam tak nunna suattu ruihhlo chu huat nachang kan hriat loh chuan Hnam vanduai kan ni dawn tih sawiin, ruihhlo chu Department pakhat do ngawt chi a nilo a, ram neitu Mizo mipuite hian kan Do tlan a ngai a ni, a ti bawk.
Excise Minister hian nimin vek khan Vai-rengte-a Excise & Narcotics Department Check Gate leh Office pawh tlawhin Sawrkarin Ruihhlo lakah indona a puan thu leh hmelma lian chu kan huat rawn a, ka do a ngaih thu a sawi a. Mizo mipui kan \anho chuan hnehna kan chan ngei tur thu a sawi bawk.

Comments

Popular posts from this blog

PAN CARD an tih teh fo hi - Laldinpuia