Serchhip khawpui faina kawng hmalak dan tur rel

In tinin bawlhhlawh paih man chawi tawh dawn

Serchhip Town Sanitation Task Force chu nimin khan Serchhip-ah \hukhawmin Mizoram Solid Waste Management By Laws, 2018 in a phut anga chhungkaw tin leh In tinin bawlhhlawh paih man an chawi tur zat an bithliah a, chhungkaw tin ten thlatin bawlhhlawh paih man Rs. 20/- an pek a ngai tawh dawn a ni.

Serchhip DC’s Meeting Room-ah Serchhip Town Sanitation Task Force \hutkhawm hi Serchhip District Bawrhsap aiawhin SDO (Sadar), R. Vanrengpuia chuan a kaihruai a, Chairman chuan India ram pumin faina lama hmalakna nasa tak a kalpuina kal chho zelah Mizoram pawhin theihtawp a chhuah zel a. Kan bawlhhlawh te paih mai mai lova uluk taka umzui dan duan mek a nih thu leh hemi kawngah hian Solid Waste Management Rules thar kan neih thu sawiin, chu dan ang chuan khawpuia cheng mitin, chhungkaw tinin faina kawngah mawhphurhna kan nei ta a ni, a ti a. “Danin min phut avangin ‘keini veng chuan kan ti ve thei lo’ emaw, ‘keini chhungkua chuan kan ti ve dawn lo’ tih a rem tawh lo tih pawh sawiin, khua leh tui \ha kan nih angin kan faia kan lo thianghlim zawkna tur ruahmanna te kan zawm tlan a \ul a ni,” a ti bawk.

He hunah hian District Urban Development Officer, Vanthangpuii chuan khawpui huamchin tana bawlhhlawh paih man bituk awmsa entawn theih tur a chhawpchhuak a; hemi behchhan hian member ten Serchhip khawpui mil tawk leh kan tlin tawk tur nia hriatah ruahmanna an siam a. Hemi ang hian Serchhip khawpuia chhungkaw (household) tinin bawlhhlawh paih fee thla tin Rs. 20/- an pe anga, dawr leh sumdawnna hmun te chu an lenzawng a zirin Rs. 50 a\anga 150 inkar bithliah a ni a. Mikhual thleng \hin In te, Hotel te, Industry tenau te, puipunna Hall te, Office te, Hawkers te pawhin an pek tur zat rate bithliah sak vek an ni a. Heng Fee lak khawm hna hi Village Council tinte kutah an huamchhunga mi \heuh lo bawhzui tura rel niin VC te chu an huamchhungah kartin bawlhhlawh paih motor UD&PA Department in a kaltir bak vawikhat tal lo kal tir ve tura beisei an ni bawk.

Heng bakah hian vantlang hmun tibawlh-hlawhtute hremna (lei chawi) tur rate pawh bithliah niin kawtthler/kawngpui-a bawlhhlawh paih man te chu Rs. 100/- zel ni tura bithliah niin, Chil chhak pawh Rs. 100/- chawi tir theih an ni tawh dawn a, inbual leh insu te Rs. 100/-, Kawngsira zung Rs. 150, kawngkam emaw vantlang hmuna e (inthiar) Rs. 250 te chawi tir theih an ni ang. Kawng-ah Ui a ek-a a neituten an then loh chuan a neitute chu Rs. 150 chawi tir theih a ni bawk ang. Tuallaia bawlhhlawh hal chu Rs. 5000 a\anga 25,000 thleng chawi tir theih an ni ang a, mahni huan thlai thing sat thla a paih mumal leh silo emaw, fel taka umzui leh silo te chu Rs. 100 chawi tir theih an ni bawk ang.