Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

Deputy Speaker in Party mipuite chah

Assembly Deputy Speaker, Er. Lalrinawma chuan Ram hmangaihna leh tih tak takna nena ram rawng an bawl phawt chuan, Pathian chuan he ram rawngbawlna hna hi an ko-ah a dah reng ang tih ring turin an Party mipuite chu a chah.
Nimin-a Aizawl Mizo Hnam Run-a MNF Chhung Inkhawm ah Assembly Deputy Speaker, Er. Lalrinawma hian thu sawiin Pathian in sawrkarna a pek thu leh, mipui pawhin beisei nei takin an thlir tih a sawi a. Mahni ham\hatna tur chauha bei lovin, ram leh hnam tana thawk tura an party mipuite chu sawmin “Party chhung innghirnghona hian sawrkar kal lai a tihbuai vek theih chuan, party inlungrualna leh \anhona chuan mipui tana sawrkar \ha a siam thei,” a ti.
Sawrkar \ha siam turin an vaiin mawhphurhna an nei tih pawh sawiin, mimal tin an pawimawh \heuh tih a sawi a. “Kan hnam pasal\ha leh hnam martar-ten an beihna leh inpeknate kha hre reng ila. Hnam nihna thinlung (nationalism) meichher an lo det tawh kha i chhi nung reng ang u. Mizo Nationalism-ah chuan ram, hnam, khawtlang mipui himna leh hmangaihna laimu a awm a ni,” a ti. Deputy Speaker chuan mipuiten an lakah beiseina sang tak an nei tih pawh sawiin, “An thikthu pawh a chhia tih hre reng ila, a chhan chu MNF chu martar-te thisenin a din tawh kan nih tlat vang a ni,” a ti bawk.

Comments

Popular News (Last 30 Days)