Serchhip MPC party Block \hiatin ZPM Party-ah an inchhunglut vek

MPC Party Block, Serchhip chuan August 5, 2019 khan Serchhip MPC Party Block chu \hiah a nih thu leh a bo a bang awm lovin ZPM Party-ah an inchhunglut tih an sawi.
MPC Party Serchhip Block hian August 5, 2019 khan an President, PC. Zorammuana te In, Serchhip-ah Block Committee neiin Mizoram-ah ZPM \angrual ZPM ni tawh lova ZPM Party anga a lo din takah chuan Serchhip MPC Party Block Committee chuan a bo a bang awm lovin ZPM Party-a inchhunluh vek an remti tih Resolution siamin an pass tih an sawi a. Hemi ang hian Serchhip MPC Party Block chu \hiah nghal a nih thu an puang bawk. Hei bakah hian Serchhip MPC Block Committee chuan Serchhip bialtu MLA, Lalduhoma chu duh taka an lo thlantlin tawh a nih avangin an thlawp tlat tih an puang a, he Resolution-ah hian an President, PC. Zorammuana leh Secretary, Lalremruata ten an hming an ziak a ni.
Hemi chungchangah hian kan Palai chuan Serchhip MPC Block President, PC. Zorammuana chu kawmin PC. Zorammuana chuan he Resolution an pass ah hian Committee-a kal te chu an lungrual thu leh a bo a bang awm lova ZPM Party-a inchhunluh hi an remtih thu a sawi a. An Resolution Copy hi Aizawl lama MPC Office-a thehlut turin an thawnthla nghal tih pawh sawiin, MPC Party Seal an kawl te pawh an thehlut dawn tih a sawi a. Tunhma a\angin Serchhip Constituency-ah Block pakhat bak an neih ngai loh thu leh tunah pawh hian Block pakhat an neih Meeting in thutlukna a siam thu a sawi bawk. PC. Zorammuana chuan Serchhip Block MPC Party huamchhungah Party inchhiarna mumal tak an neih tawhloh thu leh a hrana Unit pawh an kalpui tawh lemloh thu sawiin, amaherawh chu nikum-a MLA inthlanpui leh MP Lok Sabha inthlanpui neih zawh takah erawh chuan MPC Party a\anga rawn inhmang leh erawh an la tam hle tih a sawi a, tuna hetianga ZPM-a luh an rel takah hian heng zingah hian lungruallo leh ngaihdan dang nei an awmloh thu pawh sawiin, ZPM tan \hahnem ngai taka an thawh zui dawn thu a sawi bawk.

Comments

Popular posts from this blog

PAN CARD an tih teh fo hi - Laldinpuia